यहोशू 8:22 - नेवाः बाइबल

²² लँय् हमला यायेत सुलाच्‍वंपिं सिपाइँत नं शहरं पिहां वल। थथे गुलिं इमिगु थुखे व गुलिं उखेपाखे जुयाः इपिं इस्राएलीतय्‌गु दथुइ लात। व इस्राएलीतय्‌सं छम्‍हय्‌सित नं मत्‍वःतुसें सकसितं स्‍यानाबिल।

यहोशू 8:22 Referans Kwoze

व्‍यवस्‍था 7:2

परमप्रभु छिमि परमेश्‍वरं इमित छिमिगु ल्‍हातय् बियादिल, छिमिसं इमित बुकीबलय् छिमिसं इमित भज्‍यंक नाश यानाब्‍यु। इपिंलिसें सन्‍धि याये मते। अले इमित माया याये मते।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

अय्‍यूब 20:5

दुष्‍टत छुं दिंया निंतिं जक त्‍याइ, परमेश्‍वरयात मानय् मयाइपिं मनूतय्‌गु लसता पलखया निंतिं जक खः।

यहोशू 10:28

उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 8:8

शहर त्‍याकाकाइबलय् छिमिसं उकियात मिं छ्वय्‌काब्‍यु। परमप्रभुं धयादी थें छिमिसं या। जिगु उजं छिमिके दु।”

यहोशू 8:21

यहोशू व सकल इस्राएलीतय्‌सं उपिं सुलाच्‍वंपिन्‍सं शहरयात त्‍याकाकाःगु व शहरं कुँ पिहां वयाच्‍वंगु खंबलय् इमिसं लिहां वयाः ऐयापिं मिजंतय्‌त स्‍यात।

यहोशू 8:23

ऐयाम्‍ह जुजुयात धाःसा इमिसं ज्‍वनाः यहोशूयाथाय् हल।