यहोशू 8:16 - नेवाः बाइबल

¹⁶ ऐ शहरयापिं मनूतय्‌त लिनाछ्वयेत सकल इस्राएली मिजंतय्‌त सःतल। अले यहोशूयात ल्‍यूल्‍यूं इपिं शहरं यक्‍व तापाक थ्‍यन।

यहोशू 8:16 Referans Kwoze

न्‍यायकर्ता 20:31

बेन्‍यामीनीत धाःसा व सेनायात हमला यायेत पिहां वल। इपिं शहरं तापाक्‍क तक वन। अले चक्‍कंगु ख्‍यलय् बेथेलय् व गिबा वनीगु लँपुइ न्‍हापा थें हे इस्राएलीतय्‌त हमला यानाः इमिसं स्‍विम्‍ह इस्राएलीतय्‌त स्‍यात।

प्रकाश 16:14

अजू चायापुगु चिं यायेफुपिं भूत आत्‍मात थुपिं हे खः। दक्‍वसिबय् तःधंम्‍ह व शक्ति दुम्‍ह परमेश्‍वरयागु तःधंगु दिनय् ल्‍वायेत थुमिसं सारा संसारय् च्‍वंपिं जुजुपिन्‍त मुंका जुइ।

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

यहोशू 8:17

ऐ व बेथेलयापिं फुक्‍क मिजंतय्‌सं इस्राएलीतय्‌त ल्‍यू वन। इमिसं शहरयात ह्वातां त्‍वःताः इस्राएलीतय्‌त ल्‍यू वन।