यहोशू 8:15 - नेवाः बाइबल

¹⁵ यहोशू व सकल इस्राएलीत इमिगु न्‍ह्यःने बिस्‍युं वंपिं थें यानाः मरुभूमिपाखे ब्‍वाँय् वन।

यहोशू 8:15 Referans Kwoze

यहोशू 18:12

उत्तरपाखे इमिगु सिमाना यर्दनं शुरु जुल, अले यरीहोया उत्तर पाखेया पाःचाय् थाहां वनाः पच्‍छिमपाखे पहाडी देश जुयाः बेथ-आवनया मरुभूमिइ थ्‍यन।

न्‍यायकर्ता 20:36

अले “झीपिं बुत” धकाः बेन्‍यामीनीतय्‌सं सिल। सकलें इस्राएलीत गिबाया न्‍ह्यःने सुलाच्‍वंपिं मनूतके भलसा तयाः थः बूपिं थें यानाक्‍यंगु खः।

यहोशू 16:1

योसेफया सन्‍तानतय्‌त ब्‍यूगु इलाकायागु सिमाना यरीहो लिक्‍कयागु यर्दन खुसिंनिसें यरीहोया पुर्बय् लाःगु बुँगाःचा जुयाः मरुभूमिपाखे अले च्‍वय्‌पाखे बेथेल पहाडी देशय् थ्‍यन।

यहोशू 15:61

मरुभूमिया शहर थुपिं हे खः – बेथ-अराबा, मिद्दीन, सकाका,

यहोशू 8:14

ऐयाम्‍ह जुजुं थ्‍व खंबलय् व अले उगु शहरयापिं सकले मिजंत सुथ न्‍हापां दनाः हथाय् चाचां इस्राएलीतलिसे ल्‍वायेत वन, अले अराबा खनेदइगु क्‍वछिनातःगु थासय् थ्‍यंकः वन। शहरया ल्‍युने थःपिंनापं ल्‍वायेत मनूत सुलाच्‍वंगु दु धइगु खँ वं मसिल।

न्‍यायकर्ता 20:42

उकिं इपिं इस्राएलीतय् न्‍ह्यःनं मरुभूमिपाखे बिस्‍युं वन। तर इपिं बिस्‍युं वने मफुत। शहर शहरं वःपिं इस्राएलीतय्‌सं बेन्‍जामीनीतय्‌त दथुइ लाकाः पालाः स्‍यानाबिल।