यहोशू 8:14 - नेवाः बाइबल

¹⁴ ऐयाम्‍ह जुजुं थ्‍व खंबलय् व अले उगु शहरयापिं सकले मिजंत सुथ न्‍हापां दनाः हथाय् चाचां इस्राएलीतलिसे ल्‍वायेत वन, अले अराबा खनेदइगु क्‍वछिनातःगु थासय् थ्‍यंकः वन। शहरया ल्‍युने थःपिंनापं ल्‍वायेत मनूत सुलाच्‍वंगु दु धइगु खँ वं मसिल।

यहोशू 8:14 Referans Kwoze

मत्ती 24:39

लखं चुइके मयंतले ला इमिसं छुं हे बिचाः मयाः। मनूया काय् वइबलय् नं अथे हे जुइ।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

मत्ती 24:50

छन्‍हु वं मतिइ हे मखंबलय् वया मालिकं आकाझाकां थ्‍यंकः वयाः

दानिएल 4:31

जुजुं थथे धयाच्‍वंबलय् हे स्‍वर्गं छगू थज्‍याःगु सः वल, “नबूकदनेसर जुजु, छंगु निम्‍ति छगू आज्ञा दु। छंगु राज्‍य छंकेनं लाकाकाःगु दु।

यशैया 19:13

सोअनया हाकिमत मूर्ख जुइ धुंकल। नोपया नायःतय्‌सं धोखा नयेधुंकल। इपिं थः मनूतय् मू ल्‍वहं थें जुयाः मिश्र देय्‌या मनूतय्‌त मखुगु लँय् यंकूगु दु।

यशैया 19:11

सोअन शहरया हाकिमत तसकं मूर्खपिं खः। मिश्रय् दक्‍वसिबय् बुद्धि दुपिन्‍सं मभिंगु सल्‍लाह बी। छिमिसं गुकथं धायेफत फारोयात, “जि बुद्धि दुम्‍ह मनूत मध्‍ये छम्‍ह खः, तसकं पुलांपिं जुजुपिनि छम्‍ह चेला खः?”

उपदेशक 9:12

थ्‍व बाहेक थःगु काल गुबलय् वइ धकाः सुं मनुखं मस्‍यू। न्‍या जालय् क्‍यं थें अले चखुंचा स्‍वःतिपाँय्‌लय् लाः थें मनूत नं आकाझाकां इमिके वइगु विपत्तिइ लाइ।

यहोशू 8:16

ऐ शहरयापिं मनूतय्‌त लिनाछ्वयेत सकल इस्राएली मिजंतय्‌त सःतल। अले यहोशूयात ल्‍यूल्‍यूं इपिं शहरं यक्‍व तापाक थ्‍यन।

यहोशू 8:5

जिनापं दुपिं मनूतलिसें जि शहरपाखे न्‍ह्यज्‍याये। न्‍हापा थें इपिं जिपिंलिसें ल्‍वायेत वइबलय् जिपिं न्‍हापा थें इमिगु न्‍ह्यःनेनं बिस्‍युं वने।

व्‍यवस्‍था 1:1

सूपया चुलिंचू च्‍वंगु अराबाय् पारान, तोफेल, लाबान, हसेरोत व दीसाहाबया दथुइ यर्दन खुसिया पुर्बपाखेयागु मरुभूमिइ सकल इस्राएलीतय्‌त मोशां धाःगु खँ थुपिं हे खः।

यहोशू 8:13

इमिसं मू सेनायात उत्तरपाखे व सुलाच्‍वंपिन्‍त धाःसा पच्‍छिमपाखे तल। उखुन्‍हु चान्‍हय् यहोशू धाःसा ब्‍यासिइ हे च्‍वन।

यहोशू 8:15

यहोशू व सकल इस्राएलीत इमिगु न्‍ह्यःने बिस्‍युं वंपिं थें यानाः मरुभूमिपाखे ब्‍वाँय् वन।

न्‍यायकर्ता 20:37

इपिं सुलाच्‍वंपिं मनूतय्‌सं गिबाय् आकाझाकां हमला यात, अले प्‍यखेरं न्‍यनावनाः अन दुपिं सकसितं स्‍यात।