यहोशू 7:5 - नेवाः बाइबल

⁵ ऐयापिं मनूतय्‌सं इमि स्‍विखुम्‍ह ति मनूतय्‌त स्‍यात। इमिसं शहरया मू ध्‍वाखांनिसें ल्‍वहं लिकाय्‌गु थाय् तक लिनाः तँचाय् इस्राएलीतय्‌त स्‍यात। अनंलि ग्‍यानाः इस्राएलीतय्‌गु नुगः भाराभारा मिन।

यहोशू 7:5 Referans Kwoze

यहोशू 2:11

थ्‍व खँ न्‍यनेवं जिमिगु नुगः क्‍वतुन, छिमिसं यानाः साहस हे मन्‍त, छाय्‌धाःसा छिकपिनि परमप्रभु च्‍वय् आकाशय् व क्‍वय् पृथ्‍वीइ परमेश्‍वर खः।

यहोशू 2:9

अले वं इमित धाल, “परमप्रभुं थ्‍व देश छिकपिन्‍त बियादीगु दु धकाः जिं स्‍यू। छिपिं खनाः थ्‍व देशयापिं सकलें मनूत तसकं ग्‍यानाच्‍वंगु दु, छिकपिन्‍सं यानाः इपिं ग्‍यानाः थुरथुर खानाच्‍वंगु दु।

लेवी 26:36

“‘छिपिं म्‍वानाच्‍वंपिं, शत्रुतय्‌गु देशय् छिमिसं लप्‍ते हः कुतुवंगु सः ताइबलय् नं छिपिं तरवारं ल्‍यू वःगु धकाः ग्‍यानाः बिस्‍युं वनी। ल्‍यूवःपिं सुं मदुसां छिपिं बँय् क्‍वदइ।

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

इजकिएल 21:7

अले इमिसं छन्‍त ‘छं छाय् झसुका तयाच्‍वनागु’ धकाः न्‍यन धाःसा थथे लिसः ब्‍यु, ‘वयाच्‍वंगु खबरं यानाः सकसिगु नुगः खाइ अले सकसिगु ल्‍हाः याताप्‍याता जुइ। सकसिगु नुगः क्‍वतुनी अले सकसिगु पुलि लः थें याग्‍लाप्‍याग्‍ला जुइ। स्‍व! थथे जुइत्‍यंगु दु, अले थथे हे जुइ,’ जि, परमप्रभु परमेश्‍वरं थथे धाये।”

यशैया 13:7

अथे जुयाः फुक्‍क ल्‍हाःत बमलाना वनी, फुक्‍क मनूतय्‌गु नुगः भारा-भारा मिनाः तसकं ग्‍याइ।

भजनसंग्रहया सफू 22:14

जिगु तागत लः थें ज्‍वयावने धुंकल। जिगु क्‍वँय्‌या फुक्‍क साहा साहा ब्‍यनावने धुंकल। सी थें जिगु नुगः नायावने धुंकल।

यहोशू 5:1

इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।

व्‍यवस्‍था 1:44

अले पर्वतय् च्‍वनीपिं एमोरीत छिपिंनापं ल्‍वायेत पिहां वयाः हातय्‌सं थें छिमित ल्‍यू वल, अले इमिसं सेइरनिसें होर्मा तक छिमित बुकल।

भजनसंग्रहया सफू 58:7

खुसिबाः वनीगु लः थें इपिं तनावनेमा इमिगु ल्‍वाभः इमिगु ल्‍हातिइ हे ज्‍याख्‍यलय् मदयेमा।