यहोशू 7:16 - नेवाः बाइबल

¹⁶ यहोशूं सुथ न्‍हापां दनाः इस्राएलीतय्‌त कुल कुल यानाः न्‍ह्यःने हल, व यहूदाया कुलयात क्‍यन।

यहोशू 7:16 Referans Kwoze

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

भजनसंग्रहया सफू 119:60

जिं छिगु आज्ञा पालन यायेत लिबाकागु मदु बरु हथाय् चायागु दु।

यहोशू 3:1

सुथय् न्‍हापां यहोशू अले इस्राएलीत शित्तीम त्‍वःताः यर्दन सिथय् वल। यर्दन छिनावने न्‍ह्यः इपिं अन हे पाल ग्‍वयाः बाय् च्‍वन।

उत्‍पत्ति 22:3

कन्‍हय् खुन्‍हु सुथ न्‍हापां दनाः अब्राहामं मि च्‍याकेत सिँ फाल, गधाया म्‍हय् काठी चित। अले थःकाय् इसहाक व निम्‍ह दासयात ज्‍वनाः परमेश्‍वरं धयादी पाखे वन।

यहोशू 7:15

देछायेमाःगु धनमालनापं ज्‍वनीम्‍हय्‌सित व वयाके दुगु फुक्‍क मिइ छ्वय्‌काछ्व। छाय्‌धाःसा वं परमप्रभुयागु बाचा त्‍वाथूगु दु अले वं इस्राएलय् घच्‍चाइपुगु ज्‍या याःगु दु।’”

यहोशू 7:17

वं यहूदाया वंश वंश यानाः न्‍ह्यःने हल व जेरहया वंशयात क्‍यन। अले वं जेरहया वंशया छेँजः छेँजः यानाः न्‍ह्यःने हल व जब्‍दीया छेँजःयात क्‍यन।

न्‍यायकर्ता 20:19

उकिं इस्राएलीत सुथ न्‍हापां गिबाया लिक्‍क वनाः छाउनी तल।