यहोशू 7:1 - नेवाः बाइबल

¹ तर देछायेमाःगु धनमालया बारे इस्राएलीत विश्‍वास यायेबहः मजुल, यहूदा कुलयाम्‍ह जेरहया छुइ, जब्‍दीया छय् व कर्मीया काय् आकानं देछायेमाःगु धनमालं छुं काल। अथे जुयाः इस्राएलीत खनाः परमप्रभु तसकं तंचायादिल।

यहोशू 7:1 Referans Kwoze

यहोशू 22:20

जेरहया काय् आकानं देछायेमाःगु धनमालयागु खँय् विश्‍वासघात याःबलय् इस्राएलया फुक्‍क खलः खनाः परमप्रभु तंचायादीगु, मखु ला? आकानयागु पापया सजाँय वयात जक लाःगु मखु, मेपिन्‍त नं लात।’”

उपदेशक 9:18

लडाइँया ल्‍वाभःत स्‍वयाः बुद्धि हे भिं जू, तर छम्‍ह पापीं यक्‍व भिंगु ज्‍यायात नाश याइ।

१ इतिहास 21:7

परमेश्‍वरयाःगु मिखाय् नं दाऊदं मभिंगु ज्‍या याःगु दु, उकिं परमेश्‍वरं इस्राएलयात सजाँय बियादिल।

यहोशू 22:18

छु, छिमिसं हाकनं आः परमप्रभुयात त्‍वःतेगु ला? “‘थौं छिमिसं परमप्रभुया विरोधयात धाःसा कन्‍हय् वय्‌कः इस्राएलया फुक्‍क खलःलिसें तंचायादी।

यहोशू 22:16

“परमप्रभुया फुक्‍क खलकं थथे धाःगु दु, ‘छिमिसं थथे छाय् परमेश्‍वरयात ध्‍वंलानागु? थौं छिमिसं गय् यानाः परमप्रभुया विरोधय् विद्रोही जुयाः वय्‌कःयात त्‍वःताः थःगु लागि वेदी दय्‌केफुगु?

योना 1:7

जहाज चले याइपिनि थःथवय् खँ ल्‍हात, “सुनां यानाः झीत आपत जूगु खः चिट्ठा तयाः स्‍वये वा।” इमिसं चिट्ठा तल, अले योनायागु नामय् लात।

एज्रा 9:6

थथे धकाः प्रार्थना याना – “हे जिमि परमेश्‍वर, जिगु ख्‍वाः छिपाखे स्‍वकेत जितः तसकं मछालापुसे च्‍वं, छाय्‌धाःसा हे जिमि परमेश्‍वर, जिमिगु पाप यक्‍व अप्‍वयावंगु दु अले जिमिगु दोष स्‍वर्ग तक थ्‍यंगु दु।

२ इतिहास 24:18

इमिसं परमप्रभु थः पुर्खातय् परमेश्‍वरया देगःयात त्‍वःताः अशेरा द्यःमय्‌जुया थांत व मेमेगु मूर्तिया पुजा यात। इमिगु अपराधया कारणं यहूदा व यरूशलेमय् परमेश्‍वरया तं लात।

२ शमूएल 24:1

हाकनं परमप्रभु इस्राएलीतपाखें तंम्‍वयादिल अले दाऊदपाखें इस्राएलीतय्‌त दुःखकष्‍ट बियादिल। अले परमप्रभुं दाऊदयात धयादिल, “वनाः इस्राएल व यहूदाया मनूत ल्‍याःखा।”

दानिएल 9:7

“हे परमप्रभु छि धर्मीम्‍ह खः, अय्‌नं थौं जिमिगु ख्‍वाः लज्‍यां त्‍वपूगु दु। जिमिसं छिके भलसा मतयागुलिं जिपिं यहूदा, यरूशलेम व इस्राएलयापिं मनूतय्‌त छिं सतिगु व तापाःगु देशय् छ्यालब्‍याल यानादीगु दु।

लेवी 10:6

अले मोशां हारून व वया काय्‌पिं एलाजार व ईतामारयात धाल, “छिमिसं थःपिनिगु सँ भुलुसुलु दंका तये मते, अले लं खुइ मते। मखुसा छिपिं सी, अले फुक्‍क मनूतलिसे परमप्रभु तंम्‍वयादी। छिमि थःथितिपिं इस्राएलया फुक्‍क मनूत धाःसा परमप्रभुया मिं सीपिनिगु निंतिं ख्‍वयेमाली।

२ राजा 5:24

एलीशा च्‍वनाच्‍वंगु डाँडाय् थ्‍यंबलय् इमिगु ल्‍हातं व सामान कयाः छेँय् तल, अले वं नामानया च्‍यःतय्‌त लितछ्वल, अले इपिं वन।

उत्‍पत्ति 34:27

याकूबया मेपिं काय्‌पिन्‍सं वयाः शहरय् लुटे यात। थुकथं इमिसं थः केहेँयात बेइज्‍जत याःगुया बदला काल।

अय्‍यूब 35:8

छिगु मभिंगु ज्‍यां ला छि थें जाःम्‍ह सीमानिम्‍ह मनूयात जक थी। छिगु धार्मिकतां ला मनूया सन्‍तानयात जक लिच्‍वः लाकी।