यहोशू 6:6 - नेवाः बाइबल

⁶ अथे जुयाः नूनया काय् यहोशूं पुजाहारीतय्‌त सःताः धाल, “परमप्रभुया बाचा चिनादीगु सनू क्‍वब्‍यु, अले न्‍हय्‌म्‍ह पुजाहारी फैया नेकूया न्‍हय्‌पु तुरही ज्‍वनाः थुकिया न्‍ह्यःने न्‍यासि वनेमाः।”

यहोशू 6:6 Referans Kwoze

प्रेरित 9:1

शाऊलं धाःसा प्रभुया चेलातय्‌त स्‍यायेगु व ख्‍याच्‍वः बीगु याना जुल तिनि। छन्‍हु थ्‍व शाऊलं दकलय् तःधंम्‍ह पुजाहारीयाथाय् वनाः

यहोशू 6:13

फैया नेकूया न्‍हय्‌पु तुरही ज्‍वनाच्‍वंपिं न्‍हय्‌म्‍ह पुजाहारीत परमप्रभुयागु सनूया न्‍ह्यः न्‍ह्यः फैया नेकूया तुरही पुपुं न्‍यासि वन। छपुचः सेना इमिगु न्‍ह्यःने अले छपुचः सेना सनूया ल्‍यूल्‍यू वन। पुजाहारीत तुरही पुपुं न्‍यासि वन।

यहोशू 6:8

यहोशूं थ्‍व खँ मनूतय्‌त धाये धुंकाः न्‍हय्‌म्‍ह पुजाहारीत फैया नेकूया न्‍हय्‌पु तुरही पुपुं परमप्रभुया न्‍ह्यःने न्‍ह्यज्‍यात, अले परमप्रभुया बाचा चिनादीगु सनू इमिगु ल्‍यूल्‍यू वन।

यहोशू 3:6

यहोशूं पुजाहारीतय्‌त थथे धाल, “बाचा चिनादीगु सनू क्‍वबियाः मनूतय् न्‍ह्यः न्‍ह्यः हुँ।” अथे जुयाः इपिं बाचा चिनादीगु सनू क्‍वबियाः मनूतय् न्‍ह्यः न्‍ह्यः वन।

यहोशू 3:3

मनूतय्‌त थुकथं उजं बिल, “छिमिसं लेवी पुजाहारीतय्‌सं परमप्रभु छिमि परमेश्‍वरयागु बाचा चिनादीगु सनू क्‍वबिया वंगु खनीबलय् छिपिं थथःगु थासं पिहां वयाः उकिया ल्‍यूल्‍यू हुँ।

प्रस्‍थान 25:14

सनू क्‍वबीत न्‍वःत निखें दुगु चालय् ति।

यहोशू 6:5

ताःई तक फैया नेकूया तुरही पुयाच्‍वंगु छिमिसं ताइबलय् फुक्‍क मनूत तस्‍सलं हालेमाः, अले शहरया पखाः क्‍वय् थ्‍यंक दुनी। अले फुक्‍क मनूत थथःगु न्‍ह्यःने तप्‍यंक न्‍ह्यज्‍यानावनेमाः।”

यहोशू 6:7

अले वं मनूतय्‌त धाल, “न्‍ह्यज्‍यानाः शहरया प्‍यखेरं चाःहिलाः वा। ल्‍वाभः ज्‍वनातःपिं धाःसा परमप्रभुयागु सनूया न्‍ह्यः न्‍ह्यः न्‍यासि वनेमाः।”

१ शमूएल 4:3

लडाइँलय् बचय्‌जूपिं सिपाइँत लिहांवये धुंकाः इस्राएलया थकालितय्‌त धाल, “थौं झीत परमप्रभुं छाय् पलिश्‍तीतय्‌पाखें बुकादीगु? वय्‌कः झीपिं नापं हे झायादीमा अले झी शत्रुतय्‌गु ल्‍हातं झीत बचय् यानादीमा धकाः परमप्रभुया बाचाया सनू शीलोपाखें हयेनु।”

यहोशू 24:11

“‘अनंलि छिपिं यर्दन छिनाः यरीहोय् वल। यरीहोयापिं मिजंत छिपिंलिसें ल्‍वात, लिपा एमोरी, परिज्‍जी, कनानी, हित्ती, गिर्गाशी, हिव्‍वी व यबूसीत नं छिपिंनापं ल्‍वात। अय्‌नं जिं इमित छिमिगु ल्‍हातय् बिया।