यहोशू 6:21 - नेवाः बाइबल

²¹ इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 6:21 Referans Kwoze

यर्मिया 48:18

“हे दीबोनय् च्‍वंपिं मनूत, थःगु गौरवं कुहां वयाः गंगु जमिनय् च्‍वँ, छाय्‌धाःसा मोआबयात नाश याइम्‍ह छंगु विरोधय् वइ। वं छंगु छचाःखेरं पःखाः ग्‍वयातःगु शहरत नाश याइ।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।

१ राजा 20:42

अनंलि अगमवक्तां जुजुयात धाल, “परमप्रभुं थथे धयादी, ‘जिं स्‍या धकाः धयाम्‍ह मनूयात छं त्‍वःताबिल। उकिं वयागु ज्‍यानया पलेसा छंगु ज्‍यान व वया प्रजाया पलेसा छंगु प्रजा जुइ।’”

१ शमूएल 15:8

वं अमालेकीतय् जुजु अगागया फुक्‍क मनूतय्‌त तरवारं भज्‍यंक नाश यानाः अगाग जुजुयात धाःसा मस्‍यासे ज्‍वन।

१ शमूएल 15:3

आः छिं अमालेकीतय्‌त हमला या हुँ अले इमिके दुगु फुक्‍क छुं नं ल्‍यंमदय्‌कः भज्‍यंक नाश यानाब्‍यु। इमि फुक्‍क मनूत, मिसात, ल्‍याय्‌म्‍ह ल्‍यासेपिं, मचात, दुरु त्‍वंपिं मचात, सा द्वहं, फै-च्‍वलय्, ऊँट व गधा फुक्‍कं नाश या।’”

यहोशू 11:14

थुपिं शहरतय् दक्‍व पशुत व धनमाल जुक्‍व इस्राएलीतय्‌सं थःगु हे निंतिं काल, मनूतय्‌त धाःसा इमिसं तरवारं स्‍यानाबिल। इमि छम्‍हय्‌सित नं म्‍वाःका मतसें नाश यानाबिल।

यहोशू 10:39

इमिसं जुजुनापं शहरयात व उकिया फुक्‍क गांयात त्‍याका काल। इमिसं अन दुपिं फुक्‍कसित भज्‍यंक नाश यानाबिल। इमिसं सुं छम्‍हय्‌सित नं म्‍वाःका मतः। इमिसं हेब्रोन व लिब्‍ना अले अनयाम्‍ह जुजुयात याःगु थें तुं दबीर व अनयाम्‍ह जुजुयात नं यात।

यहोशू 10:28

उखुन्‍हु यहोशूं हमला यानाः मक्‍केदा शहर त्‍याका काल। अले वं शहरयात नाश यानाबिल। अले वं अनयाम्‍ह जुजु व अन च्‍वंपिं सकल मनूतय्‌त तरवारं स्‍यानाबिल। वं यरीहोयाम्‍ह जुजुयात याः थें मक्‍केदाया जुजुयात नं यात।

व्‍यवस्‍था 7:16

परमप्रभु छिमि परमेश्‍वरं छिमिगु ल्‍हातय् बियादीपिं फुक्‍क जातितय्‌त छिमिसं नाश यानाब्‍यु। इमित माया याये मते। इमि द्यःतय्‌त पुजा याये मते, छाय्‌धाःसा व हे छिमित तक्‍यंकीगु जाः जुइ।

व्‍यवस्‍था 2:34

उबलय् झीसं वयागु फुक्‍क शहर त्‍याकाकयाः उपिं शहरय् च्‍वंपिं मिजंत, मिसात व मस्‍तय्‌त भज्‍यंक नाश यानाबिया। झीसं छम्‍हय्‌सित नं मत्‍वःता।

व्‍यवस्‍था 13:16

अनयागु फुक्‍क मालसामान शहरया लाछिइ मुंकाः व शहर व मालसामानयात छ्वय्‌काब्‍यु। परमप्रभु छिमि परमेश्‍वरयागु निंतिं व होमबलि थें जुइ। व शहर न्‍ह्याबलेंया लागि भस्‍म जुया हे च्‍वनेमाः। उकियात हानं दय्‌के मते।

यहोशू 8:2

छं यरीहो व वया जुजुयात छु छु यानागु खः, ऐ व वया जुजुयात नं अथे हे या। अनयागु धनमाल व अनयापिं पशुत धाःसा छिमिसं थःगु निंतिं काये फइ। शहरया ल्‍युने हमला यायेत सुला च्‍वँ।”

यहोशू 8:22

लँय् हमला यायेत सुलाच्‍वंपिं सिपाइँत नं शहरं पिहां वल। थथे गुलिं इमिगु थुखे व गुलिं उखेपाखे जुयाः इपिं इस्राएलीतय्‌गु दथुइ लात। व इस्राएलीतय्‌सं छम्‍हय्‌सित नं मत्‍वःतुसें सकसितं स्‍यानाबिल।

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः

यहोशू 11:11

व शहरय् दुपिं सकसितं तरवारं भज्‍यंक नाश यानाबिल। छम्‍हय्‌सित नं बाकि मतल। अले हासोरयात यहोशूं मि तयाः छ्वय्‌काबिल।