यहोशू 4:7 - नेवाः बाइबल

⁷ इमित थथे धा, ‘परमप्रभुया बाचा चिनादीगु सनू खुसि छ्यूबलय् उकिया न्‍ह्यःने यर्दनय् लः दीगु खः। थुपिं ल्‍वहंतय्‌सं इस्राएली मनूतय्‌त थन छु जूगु खः धयागु खँ न्‍ह्याबलेंया लागिं लुमंकाबी।’”

यहोशू 4:7 Referans Kwoze

प्रस्‍थान 12:14

“थ्‍व दिं छिमिगु निंतिं लुमन्‍तिया दिं जुइ। थ्‍वखुन्‍हु छिमिसं परमप्रभुया नखः हनेमाः। थ्‍व छिमित पुस्‍तां पुस्‍ता तकया निंतिं नियम जुल।

भजनसंग्रहया सफू 111:4

वय्‌कलं थःगु अजू चायापुगु ज्‍या झीत लुमंका बियादीगु दु, परमप्रभु दयादुम्‍ह, माया यानादीम्‍ह खः।

गन्‍ती 16:40

गथे परमप्रभुं मोशापाखें वयात धयादीगु खः। हारूनया सन्‍तान बाहेक मेम्‍ह सुं मनू गुँगू च्‍याकेत न्‍ह्यःने मवयेमा धकाः होशियार यायेत इस्राएलीतय्‌त थ्‍व फुक्‍क जूगु खः। मखुसा व नं कोरह व वया पुचः थें जुइ।

प्रस्‍थान 28:12

इस्राएलया झिंनिगू कुलया लुमन्‍ति कथं हारूनं थ्‍व निकुतिं ल्‍वहंयात ब्‍वहलय् तयाब्‍यु। थुकथं वं पवित्र पालय् वनीबलय् इमिगु नां घानावनी। उकिं जि परमप्रभुं थः मनूतय्‌त न्‍ह्याबलें लुमंकी।

१ कोरिन्‍थी 11:24

परमेश्‍वरयात सुभाय् बियादिल। अले मरि कुचा थलाः थथे धयादिल – “छिमित बियागु थ्‍व जिगु म्‍ह खः। जितः लुमंकेत छिमिसं थथे हे यायेगु या।”

यशैया 66:3

तर द्वहंया बलि छाइपिं मनूयात स्‍याइपिं थें खः। चिधिकःम्‍ह भ्‍याःचा बलि छाइपिं धाःसा खिचाया ककु त्‍वथुलीगु थें हे खः। अन्‍नबलि छाइपिं फाया हि छाःगु थें हे खः। लुमन्‍ति कथं धुपाँय् च्‍याकीपिं मूर्तियात पुजा याःगु थें हे खः। इमिसं थःगु हे लँ ल्‍यःगु दु, अले इमिगु प्राण थःगु हे घच्‍चाइपुगु ज्‍याय् लय्‌ताइ।

यहोशू 4:6

छिमिगु दथुइ थुपिं ल्‍वहंत छगू चिं जुइमा। लिपा छिमि मचाखाचातय्‌सं, ‘थुपिं ल्‍वहंतय्‌गु अर्थ छु खः?’ धकाः न्‍यन धाःसा

प्रस्‍थान 30:16

इस्राएलीतय्‌के प्रायश्‍चितया धिबा कयाः नापलायेगु पालया सेवाया निंतिं छ्यला ब्‍यु। अले व छिमिगु प्राणया प्रायश्‍चित यायेत परमप्रभुया न्‍ह्यःने इस्राएलतय्‌गु निंतिं लुमन्‍ति जुइमाः।”

गन्‍ती 17:5

जिं ल्‍ययातःम्‍हय्‌सिगु कथिं चुलि पिहां वइ। थथे इस्राएलीतय्‌सं छंगु विरोधय् याना हे च्‍वनीगु कचकच मदय्‌काछ्वये।”

व्‍यवस्‍था 16:3

व नापं सोडा दुगु मरि नये मते। न्‍हय्‌न्‍हु तक सोडा मतःगु मरि धाःसा नयेगु या, थ्‍व दुःखया मरि खः। छाय्‌धाःसा मिश्रं छिपिं हथाय् चाचां वःगु खः। मिश्रं पिहां वःगु छिमिसं जिवंकाछि लुमंका तयेत थ्‍व नयेमाःगु खः।