यहोशू 4:10 - नेवाः बाइबल

¹⁰ परमप्रभुं यहोशूयात मनूतय्‌त या धकाः धायेत उजं बियादीगु फुक्‍क पूमवंतलय् सनू क्‍वबिपिं पुजाहारीत यर्दन खुसिया दथुइ दनाच्‍वन। इमिसं मोशां यहोशूयात उजं ब्‍यूगु फुक्‍क यात। मनूत हथाय् चाचां खुसि छिनावनाच्‍वन।

यहोशू 4:10 Referans Kwoze

यहोशू 3:13

फुक्‍क पृथ्‍वीया प्रभु परमप्रभुयागु बाचा चिनादीगु सनू क्‍वबिपिं पुजाहारीतय्‌गु तुतिपालि यर्दनया लखय् लाइबलय् च्‍वय्‌निसें न्‍ह्यानावइगु यर्दनया लः दिनाः छथाय् द्वँ मुनी।”

२ कोरिन्‍थी 6:2

परमेश्‍वरं थथे धयादीगु दु – “पाय्‌छिगु इलय् जिं छिमिगु खँ न्‍यनागु दु। अले उद्धारया दिनय् जिं छिमित ग्‍वाहालि यानागु दु।” स्‍व, पाय्‌छिगु ई थ्‍व हे खः, उद्धारया दिं नं आः हे खः!

यशैया 28:16

अथे जुयाः परमप्रभुं धयादी, “स्‍व, जिं सियोनय् छग्‍वः ल्‍वहं तयागु दु, जाँचय् यानातःगु छग्‍वः ल्‍वहं, तसकं बल्‍लाःगु जगया निंतिं मदय्‌कं मगाःगु मू ल्‍वहं। थुकी विश्‍वास याइपिं सुनानं लज्‍या चाय् माली मखु।

उपदेशक 9:10

छंगु ल्‍हातय् छु ज्‍या दु व थःगु बलं फत्तले या, छाय्‌धाःसा पातालय् वनीबलय् अन न छुं ज्‍या याइ, न ग्‍वसाः ग्‍वइ, न ज्ञान दइ, न त बुद्धि हे दइ।

हितोपदेश 27:1

कन्‍हय्‌यागु खँय् फुइँ त्‍वःताजुइ मते। छाय्‌धाःसा कन्‍हय् छु जुइ धकाः छं मस्‍यू।

भजनसंग्रहया सफू 119:60

जिं छिगु आज्ञा पालन यायेत लिबाकागु मदु बरु हथाय् चायागु दु।

व्‍यवस्‍था 31:9

अले मोशां थ्‍व व्‍यवस्‍था च्‍वयाः परमप्रभुया बाचाया सनू क्‍वबिपिं लेवी कुलयापिं पुजाहारीत व इस्राएलयापिं सकलें थकालितय्‌त बिल।

प्रस्‍थान 12:39

इमिसं सोडा मतसे हे मिश्रं ज्‍वनावःगु न्‍हायातःगु छ्वचुंया मरि छुल। मिश्रं हथासं पितछ्वयाहःगुलिं इमिसं न्‍हायातःगु छ्वचुंया मरि दय्‌के मलाःगु खः।

यहोशू 4:9

यर्दनया दथुइ बाचा चिनादीगु सनू क्‍वबियाच्‍वंपिं पुजाहारीत दनाच्‍वंगु थासय् यहोशूं नं झिंनिगः ल्‍वहं थन, उपिं आः तक नं अन हे दनी।

यहोशू 4:11

अले मनूत खुसिया उखे थ्‍यनेवं मनूतय्‌सं खंक हे पुजाहारीत नं परमप्रभुया सनूनापं खुसि छिनावन।

यहोशू 24:11

“‘अनंलि छिपिं यर्दन छिनाः यरीहोय् वल। यरीहोयापिं मिजंत छिपिंलिसें ल्‍वात, लिपा एमोरी, परिज्‍जी, कनानी, हित्ती, गिर्गाशी, हिव्‍वी व यबूसीत नं छिपिंनापं ल्‍वात। अय्‌नं जिं इमित छिमिगु ल्‍हातय् बिया।