यहोशू 3:6 - नेवाः बाइबल

⁶ यहोशूं पुजाहारीतय्‌त थथे धाल, “बाचा चिनादीगु सनू क्‍वबियाः मनूतय् न्‍ह्यः न्‍ह्यः हुँ।” अथे जुयाः इपिं बाचा चिनादीगु सनू क्‍वबियाः मनूतय् न्‍ह्यः न्‍ह्यः वन।

यहोशू 3:6 Referans Kwoze

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

यहोशू 3:3

मनूतय्‌त थुकथं उजं बिल, “छिमिसं लेवी पुजाहारीतय्‌सं परमप्रभु छिमि परमेश्‍वरयागु बाचा चिनादीगु सनू क्‍वबिया वंगु खनीबलय् छिपिं थथःगु थासं पिहां वयाः उकिया ल्‍यूल्‍यू हुँ।

गन्‍ती 14:15

छिं छम्‍ह हे म्‍वाका मतसे थुपिं फुक्‍क खलःयात स्‍यानादिल धाःसा छिगु खँ न्‍यनातःपिं जातितय्‌सं थथे धकाः खँ ल्‍हाइ,

गन्‍ती 10:33

परमप्रभुया पर्वत, सीनै त्‍वःताः इपिं स्‍वन्‍हु तक न्‍ह्याः वन। इमिगु निंतिं बाय् च्‍वनेगु थाय् मालेत परमप्रभुया बाचाया सनू थुपिं स्‍वन्‍हु तक हे इमिगु न्‍ह्यः न्‍ह्यः वन।

हिब्रू 6:20

झीगु निंतिं येशू न्‍ह्यः हे मल्‍कीसेदेक थें सदांया लागि दकलय् तःधंम्‍ह पुजाहारी जुयाः अन दुहां झाये धुंकल।

यहोशू 3:5

यहोशूं मनूतय्‌त थथे धाल, “छिमिसं थःत शुद्ध या, छाय्‌धाःसा कन्‍हय् परमप्रभुं छिमिगु दथुइ अजू चाइपुगु ज्‍या यानादी।”

यहोशू 3:7

परमप्रभुं यहोशूयात धयादिल, “थनिंनिसें जिं सकल इस्राएलीतय्‌गु न्‍ह्यःने छन्‍त तःधंके। अले इमिसं जि मोशालिसें दुगु थें छलिसें नं दु धकाः सी।

१ राजा 8:3

इस्राएलया फुक्‍क थकालित वयेधुंकाः पुजाहारीतय्‌सं सनू ल्‍ह्वन।

२ इतिहास 5:4

इस्राएलयापिं सकल थकालित वयेधुंकाः लेवीतय्‌सं सनू ल्‍ह्वन।

यहोशू 6:6

अथे जुयाः नूनया काय् यहोशूं पुजाहारीतय्‌त सःताः धाल, “परमप्रभुया बाचा चिनादीगु सनू क्‍वब्‍यु, अले न्‍हय्‌म्‍ह पुजाहारी फैया नेकूया न्‍हय्‌पु तुरही ज्‍वनाः थुकिया न्‍ह्यःने न्‍यासि वनेमाः।”