यहोशू 3:5 - नेवाः बाइबल

⁵ यहोशूं मनूतय्‌त थथे धाल, “छिमिसं थःत शुद्ध या, छाय्‌धाःसा कन्‍हय् परमप्रभुं छिमिगु दथुइ अजू चाइपुगु ज्‍या यानादी।”

यहोशू 3:5 Referans Kwoze

यहोशू 7:13

“हुँ! मनूतय्‌त शुद्ध या। इमित थथे धा, ‘कन्‍हय्‌या लागि थःत शुद्ध या। छाय्‌धाःसा परमप्रभु इस्राएलयाम्‍ह परमेश्‍वरं थथे धयादी, हे इस्राएल, देछायेमाःगु छुं धनमाल छिमिके दु। छिमिसं उकियात चीका मछ्वतले छिपिं शत्रुतय्‌गु न्‍ह्यःने दने फइ मखु।

लेवी 20:7

“‘अय्‌जूगुलिं छिपिं थुपिं फुक्‍कपाखें अलग च्‍वनाः पवित्र जुयाच्‍वँ! छाय्‌धाःसा जि परमप्रभु छिमि परमेश्‍वर खः।

योएल 2:16

मनूतय्‌त मुंकि, मुँज्‍यायात अर्पण या, थकालितय्‌त मुंकि, चीधिकःपिं मस्‍त व दुरु मछ्युनिपिं मस्‍तय्‌त नं मुंकि! ब्‍याहा याइम्‍ह मिजं थःगु क्‍वथां अले ब्‍याहा याइम्‍ह मिसा थःगु दुनेया क्‍वथां पिहां वयेमाः।

१ शमूएल 16:5

शमूएलं धाल, “याउँक हे वया! जि परमप्रभुया निंतिं बलि छायेत वयागु खः। छिपिं नं थथःपिन्‍त शुद्ध यानाः बलि छायेत जिनापं वा।” अले वं यिशै व वया काय्‌पिन्‍त शुद्ध यानाः बलिया निंतिं इमित सःतल।

यूहन्‍ना 17:19

सत्‍यं इमित नं पवित्र यायेमा धकाः जि थः हे तुं इमिगु निंतिं पवित्र जुया।”

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

भजनसंग्रहया सफू 86:10

छाय्‌धाःसा छि तःधंम्‍ह व अजू चायापुगु ज्‍या यानादीम्‍ह खः, छि हे जक परमेश्‍वर खः।

अय्‍यूब 1:5

भ्‍वय्‌या कन्‍हय् खुन्‍हु अय्‍यूब सुथ न्‍हापां दनाः इमिगु ल्‍याःकथं होमबलि छाइगु। थुकथं वं थःकाय् म्‍ह्याय्‌पिन्‍त च्‍वख याइगु, छाय्‌धाःसा वं थथे मतिइ तइगु, “जिमि काय् म्‍ह्याय्‌पिन्‍सं पाप याःगु जुइफु अले मनं मनं परमेश्‍वरयात सराः ब्‍यूगु जुइफु।” अय्‍यूबं न्‍ह्याबलें थथे याइगु।

यहोशू 3:13

फुक्‍क पृथ्‍वीया प्रभु परमप्रभुयागु बाचा चिनादीगु सनू क्‍वबिपिं पुजाहारीतय्‌गु तुतिपालि यर्दनया लखय् लाइबलय् च्‍वय्‌निसें न्‍ह्यानावइगु यर्दनया लः दिनाः छथाय् द्वँ मुनी।”

यहोशू 3:15

छ्व लयेगु इलय् यर्दन खुसिइ लः तःजाःगु जुइ। अथे जूसां बाचा चिनादीगु सनू क्‍वबिपिं पुजाहारीत यर्दनय् थ्‍यनाः इमिगु तुतिं लःया सिथय् थियेवं

गन्‍ती 11:8

मनूतय्‌सं पिहां वनाः मन्‍न मुनीगु, अले ल्‍वहं घलय् क्‍यलेगु व ल्‍वहंमाय् नीगु याइ। अले उकियात लखय् तयाः ताःकुक दय्‌की अले उकिं ल्‍वहंचा मरि दय्‌की। थुकिया सवाः जैतूनया चिकनय् छुनातःगु मरि थें जुइ।

यहोशू 3:4

अले छिमिसं वनेमाःगु लँपु सी, छाय्‌धाःसा व लँपुइ छिपिं न्‍हापा वंगु मदुनि। अय्‌नं छिपिं व सनूया लिक्‍क मवंसे छगू किलोमिटर ति ल्‍युने च्‍वँ।”

यहोशू 3:6

यहोशूं पुजाहारीतय्‌त थथे धाल, “बाचा चिनादीगु सनू क्‍वबियाः मनूतय् न्‍ह्यः न्‍ह्यः हुँ।” अथे जुयाः इपिं बाचा चिनादीगु सनू क्‍वबियाः मनूतय् न्‍ह्यः न्‍ह्यः वन।

भजनसंग्रहया सफू 77:15

छिं थःगु शक्तिं थः मनूतय्‌त मू पुलाः त्‍वःतकादिल, याकूब व योसेफया सन्‍तानयात। सेला