यहोशू 3:1 - नेवाः बाइबल

¹ सुथय् न्‍हापां यहोशू अले इस्राएलीत शित्तीम त्‍वःताः यर्दन सिथय् वल। यर्दन छिनावने न्‍ह्यः इपिं अन हे पाल ग्‍वयाः बाय् च्‍वन।

यहोशू 3:1 Referans Kwoze

यहोशू 2:1

अनंलि नूनया काय् यहोशूं शित्तीमं निम्‍ह जासूसतय्‌त सुनां मसीक थथे धयाः छ्वत, “हुँ, व देशयात बांलाक स्‍व, खास यानाः यरीहो शहरयात।” अथे जुयाः इपिं वन। राहाब नांयाम्‍ह छम्‍ह वेश्‍याया छेँ दुहां वनाः अन हे बाय् च्‍वन।

मर्कूस 1:35

येशू सुथ न्‍हापां खिउँसे च्‍वंबलय् हे दनाः सुं मदुगु थासय् झायाः प्रार्थना यानादिल।

मीका 6:5

हे जि प्रजा, मोआबया जुजु बालाकं छु सल्‍लाह याःगु खः? अले बओरया काय् बालामं वयात छु लिसः बिल व लुमंकी। शित्तिमंनिसें गिलगाल तकयागु यात्रायात लुमंकी। अले छिमिसं परमप्रभुया धार्मिकताया ज्‍या सीके फयेमा।”

यर्मिया 26:5

अले जिं छिमिथाय् छ्वयाहयापिं अगमवक्तातय्‌गु खँ ध्‍यान बियाः मन्‍यन धाःसा (खः ला छिमिसं ध्‍यान बियाः न्‍यंगु मदु)

यर्मिया 25:3

“यहूदाया जुजु अमोनया काय् योशियाहं राज्‍य यानाच्‍वंगु झिंस्‍वंगूगु दंनिसें थौं तक अर्थात निइस्‍वदँ तक, परमप्रभुया वचन जिथाय् वयाच्‍वंगु दु, अले जिं व छिमित कनावयाच्‍वनागु दु, तर छिमिसं उकी ध्‍यान ब्‍यूगु मदु।

यर्मिया 7:13

परमप्रभुं धयादी, ‘छिमिसं थ्‍व फुक्‍क ज्‍या यानाच्‍वंबलय् जिं छिपिंलिसें तःक्‍वः हे न्‍ववाना, अय्‌नं छिमिसं वास्‍ता मया। जिं छिमित सःता, अय्‌नं छिमिसं लिसः हे मब्‍यू।

भजनसंग्रहया सफू 119:60

जिं छिगु आज्ञा पालन यायेत लिबाकागु मदु बरु हथाय् चायागु दु।

गन्‍ती 25:1

इस्राएलीत शित्तीमय् च्‍वनाच्‍वंबलय् इमिसं मोआबया म्‍ह्याय्‌पिं नापं व्‍यभिचार याना हल।

उत्‍पत्ति 22:3

कन्‍हय् खुन्‍हु सुथ न्‍हापां दनाः अब्राहामं मि च्‍याकेत सिँ फाल, गधाया म्‍हय् काठी चित। अले थःकाय् इसहाक व निम्‍ह दासयात ज्‍वनाः परमेश्‍वरं धयादी पाखे वन।

उत्‍पत्ति 21:14

कन्‍हय् खुन्‍हु सुथ न्‍हापां अब्राहामं लः दुगु छेंगूया छगः थल व मरि हयाः हागारया ब्‍वहलय् तयाबिल। अले काय्‌म्‍हनापं वयात अनं छ्वयाबिल। इपिं बेर्शेबाया मरुभूमिइ उखेंथुखें जुयाः जुल।

यहोशू 6:12

यहोशू सुथ न्‍हापां दन व पुजाहारीतय्‌सं परमप्रभुयागु सनू क्‍वबिल।

यहोशू 6:15

न्‍हय्‌न्‍हु दुखुन्‍हु सुथ न्‍हापां हे इपिं दनाः उकथं हे शहरया छचाःखेरं न्‍हय्‌कः चाःहिला वल। उखुन्‍हु जक इमिसं न्‍हय्‌कः तक शहर चाःहिल।

यहोशू 7:16

यहोशूं सुथ न्‍हापां दनाः इस्राएलीतय्‌त कुल कुल यानाः न्‍ह्यःने हल, व यहूदाया कुलयात क्‍यन।

यहोशू 8:10

यहोशू सुथ न्‍हापां दन, सिपाइँतय्‌त मुंकाः इस्राएलीतय् नायःतनापं इमिगु न्‍ह्यः न्‍ह्यः ऐपाखे वन।

न्‍यायकर्ता 20:19

उकिं इस्राएलीत सुथ न्‍हापां गिबाया लिक्‍क वनाः छाउनी तल।

१ शमूएल 17:20

दाऊद कन्‍हय् खुन्‍हु सुथ न्‍हापां दनाः फैत मेम्‍ह मनूयात स्‍वयाच्‍वँ धकाः धाल, नयेगु नसा ज्‍वनाः यिशैनं धाथें बिदा जुयाः वन। उबलय् इस्राएलीत पालं पिहां वयाः लडाइँया निंतिं ततःसलं हालाः लडाइँ यायेगु ख्‍यलय् वनाच्‍वंबलय् व अन हे थ्यन।