यहोशू 24:2 - नेवाः बाइबल

² अले यहोशूं सकसितं धाल, “परमप्रभु इस्राएलया परमेश्‍वरं धयादी, ‘यक्‍व दँ न्‍हापा छिमि पुर्खा यूफ्रेटिस खुसियागु पारि च्‍वनीगु खः। इमिसं मेपिं द्यःतय्‌त पुजा याइगु खः। उपिं पुर्खा मध्‍ये छम्‍ह अब्राहाम व नाहोरया बौ तेरह खः।

यहोशू 24:2 Referans Kwoze

यहोशू 24:15

परमप्रभुयागु सेवा याये मयःसा सुयागु सेवा यायेगु खः व छिमिसं थौं ल्‍य। छिमि पुर्खातय्‌सं यूफ्रेटिस खुसिया उखे पुजा याःपिं द्यःत कि छिपिं आः च्‍वनाच्‍वंगु देशयापिं एमोरीतय् द्यःत? जि व जिमि छेँजःपिन्‍सं धाःसा परमप्रभुयागु हे सेवा याये।”

उत्‍पत्ति 31:30

जिं स्‍यू छ थः बौया छेँय् वनेत आय्‌बूगुलिं थथे पिहां वःगु खःसां छं छाय् जिगु छेँया मूर्तित खुयाहयागु?”

इजकिएल 16:3

थथे धा, ‘परमप्रभु परमेश्‍वरं यरूशलेमयात थथे धयादी – छंगु पु‍र्ख्‍यौली व छ बूगु देश कनानीतय्‌गु देश खः, छिमि बौ छम्‍ह एमोरी खः, अले छिमि मां छम्‍ह हित्तीनी खः।

यशैया 51:2

छिमि पुर्खा अब्राहाम व छिमिगु फुक्‍क जातियात बुइकूम्‍ह सारायात स्‍व। जिं सःताबलय् अब्राहाम छम्‍ह जक दु, अले जिं वयात आशिष बियाः वयात यक्‍व दय्‌काबिया।

व्‍यवस्‍था 26:5

अले छिमिसं परमप्रभु थः परमेश्‍वरयागु न्‍ह्यःने थथे धा, “जिमि तापाःबाज्‍या चाःहिला जुइम्‍ह छम्‍ह अरामी खः। व कम मनूतलिसें मिश्रय् वन अले अन हे च्‍वन। अन वपाखें बल्‍लाःगु व यक्‍वः ल्‍याः दुगु छगू तःधंगु जाति दत।

उत्‍पत्ति 35:4

अले फुक्‍कसिनं याकूबयात थःपिन्‍के दुगु फुक्‍क मूर्ति व न्‍हाय्‌पनय् च्‍वंगु तिसा बिल। वं व फुक्‍क शकेमया नापसं च्‍वंगु स्‍वंसिमा क्‍वय् थुनाबिल।

उत्‍पत्ति 31:53

जिमि बाज्‍या नाहोर व छिमि बाज्‍या अब्राहामया परमेश्‍वरं झी दथुइ न्‍याय यानादीमा।” उकिं याकूबं परमेश्‍वरयागु नामय्, गुम्‍ह खनाः वया बाः इसहाक ग्‍याइगु खः, ल्‍वहंया लागा मानय् याये धकाः पाफय्‌कल।

उत्‍पत्ति 31:32

छिगु मूर्ति सुयाके दु, व मनू सी माली। छिं झी थःथितिपिनिगु न्‍ह्यःने थःगु छु छु जिके दु मालाः कयादिसँ।” याकूबं राहेलं मूर्ति खुयाहःगु खँ मस्‍यू।

उत्‍पत्ति 31:19

उबलय् लाबान फैतय्‌त सँ चाकःवनाच्‍वंगु खः। थः बौ मदुबलय् राहेलं थः बौया छेँय् च्‍वंगु मूर्तित खुयाहल।

उत्‍पत्ति 11:26

तेरह ७० दँ दुबलय् वया अब्राम, नाहोर व हारान नांयापिं काय्‌पिं बुल।

लूका 3:34

याकूब, इसहाक, अब्राहाम, तेरह, नाहोर,

उत्‍पत्ति 11:24

नाहोर निइगुदँ दुबलय् वया तेरह नांयाम्‍ह काय् बुल।

उत्‍पत्ति 11:27

तेरहया खँ थथे दु – व अब्राम, नाहोर व हारानया बौ खः। हारानया काय् लोत खः।

उत्‍पत्ति 11:22

सरूग स्‍विदँ दुबलय् वया नाहोर नांयाम्‍ह काय् बुल।

१ इतिहास 1:27

अले अब्राम (अब्रामयात अब्राहाम नं धाः)।