यहोशू 23:16 - नेवाः बाइबल

¹⁶ परमप्रभु छिमि परमेश्‍वरं छिपिंलिसें चिनादीगु बाचा छिमिसं मानय् मयात धाःसा अले मेपिं द्यःतय्‌गु सेवा व पुजायात धाःसा वय्‌कलं थःगु तम्‍वय् छिमित सजाँय बियादी। अले वय्‌कलं छिमित बियादीगु थ्‍व भिंगु देशं छिपिं याकनं नाश जुयावनी।”

यहोशू 23:16 Referans Kwoze

२ राजा 24:20

परमप्रभु तंचायादीगुलिं थ्‍व फुक्‍क यरूशलेम व यहूदायात जू वःगु खः। लिपतय् वय्‌कलं इमित थःगु न्‍ह्यःनं पितिनाछ्वयादिल। सिदकियाहं बेबिलोनयाम्‍ह जुजुया विरोधय् विद्रोह यात।

१ राजा 14:15

परमप्रभुं इस्राएलयात सजाँय बियादी अले व खुसिइ तिंकथि संगु थें सनी। वय्‌कलं इस्राएलीतय्‌त इमि पुर्खातय्‌त बियादीगु थ्‍व भिंगु देशं लिनादी अले यूफ्रेटिस खुसिया पारि थुखेलाः उखेलाः मदय्‌काबी। छाय्‌धाःसा अशेरा द्यःमय्‌जुया मूर्ति दय्‌काः इमिसं वय्‌कःयात तंचाय्‌कूगु दु।

२ राजा 17:7

मिश्र देशयाम्‍ह जुजु फारोया ल्‍हातं त्‍वःतकाः मिश्र देशं पित हयादीम्‍ह परमप्रभु थः परमेश्‍वरया विरोधय् इस्राएलीतय्‌सं पाप याःगुलिं थ्‍व फुक्‍क जूगु खः। इमिसं मेपिं द्यःतय्‌त पुजा यात।

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

गन्‍ती 33:56

अले जिं इमित छु याये धकाः मनय् तयागु खः व हे जिं छिमित यानाबी।’”

व्‍यवस्‍था 6:15

छाय्‌धाःसा छिमिगु दथुइ च्‍वनादीम्‍ह परमप्रभु छिमि परमेश्‍वर नुगः मुइकादीम्‍ह परमेश्‍वर खः। अथे मयात धाःसा परमप्रभु छिमि परमेश्‍वरयागु तं छिमित लाइ, अले वय्‌कलं छिमित पृथ्‍वीं नाश यानादी।

व्‍यवस्‍था 17:3

जिगु उजं मानय् मयासें द्यःत वा सूर्य, तिमिला वा आकाशया नगुतय्‌गु पुजा याःगु दुसा वा इमित भागि याःगु दुसा,

व्‍यवस्‍था 28:15

अय्‌नं छिमिसं परमप्रभु छिमि परमेश्‍वरया खँ मन्‍यंसा अले थौं जिं छिमित बियागु वय्‌कःयागु फुक्‍क आज्ञा व विधि बांलाक मानय् मयाःसा थुपिं फुक्‍क सराः छिमित लाइ।

न्‍यायकर्ता 2:14

उकिं परमप्रभु इस्राएलीत खनाः तसकं तंचायादिल, अले वय्‌कलं इमित इमि जःखः च्‍वंपिं शत्रुतय्‌गु ल्‍हातय् मियादिल। इमिसं इमित लुतय् यात। उकिं यानाः इपिं थः शत्रुतय् न्‍ह्यःने च्‍वने मफुत।

न्‍यायकर्ता 2:20

उकिं इस्राएललिसें तसकं तंचायाः परमप्रभुं धयादिल, “थ्‍व जातिं जिं इमि पुर्खातलिसे चिनागु बाचा त्‍वाथूगु व जिगु खँ मन्‍यगु जुयाः

१ शमूएल 12:25

छुं जुयाः छिमिसं मभिंगु ज्‍या याना तुं च्‍वन धाःसा छिपिं व छिमि जुजु नाश जुइमाली।

१ राजा 9:6

“तर छ वा छिमि सन्‍तानं जिपाखें फहिलाः जिं छन्‍त बियागु आज्ञा व विधित मानय् मयात धाःसा अले मेपिं द्यःत पुजायात धाःसा

१ राजा 9:7

जिं इस्राएलयात बियागु देशं इमित लिनाछ्वये अले जिं जिगु नांया इज्‍जतया निंतिं पवित्र यानागु थ्‍व देगः नं त्‍वःताबी। अले इस्राएलीत खनाः फुक्‍क मनूत न्‍हिली, अले फुक्‍क मनूतय्‌गु दथुइ इमित हेस्‍याइ अले क्‍वह्यंकी।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।