यहोशू 23:11 - नेवाः बाइबल

¹¹ अथे जुयाः परमप्रभु छिमि परमेश्‍वरयात माया यायेत बांलाक ध्‍यान ब्‍यु।

यहोशू 23:11 Referans Kwoze

यहोशू 22:5

परमप्रभु छिमि परमेश्‍वरयात माया या, वय्‌कःया लँपुइ हुँ, उकियात गुबलें त्‍वःते मते, वय्‌कःया खँ न्‍यँ। दुनुगलंनिसें व बलं फत्तले वय्‌कःया सेवा या धकाः परमप्रभुया दास मोशां छिमित ब्‍यूगु आज्ञा व व्‍यवस्‍था बांलाक मानय् या।”

रोमी 8:28

परमेश्‍वरयात माया याइपिं, अले वय्‌कलं थःगु इच्‍छा पूवंकेत ल्‍ययातःपिन्‍त दक्‍व ज्‍या मिलय् यानाः भिं जुइकथं हे वय्‌कलं ज्‍या यानादी धकाः झीसं स्‍यू।

हितोपदेश 4:23

थःगु मतियात बांलाक बिचाः या, छं मति तः थें हे छंगु जीवन जुइगु खः।

हिब्रू 12:15

होश या, सुनानं परमेश्‍वरयागु दया माया काये मखंकाः च्‍वने म्‍वाःलेमा। मखुसा, बिख मां नुगलय् हा कयाः छिमित स्‍यंकाबी।

१ कोरिन्‍थी 16:22

प्रभुयात माया मयाइम्‍हय्‌सित धिक्‍कार दु। “हे जिमि प्रभु, झायादिसँ।”

१ कोरिन्‍थी 8:3

परमेश्‍वरयात माया यानाच्‍वंम्‍ह मनूयात धाःसा परमेश्‍वरं नं म्‍हस्‍यू।

प्रस्‍थान 20:6

जितः माया याइपिं व जिगु आज्ञा मानय् याइपिन्‍त धाःसा वया द्वलंद्वः पुस्‍ता तकं जिं दया माया याये।

एफिसी 5:15

उकिं गथे यानाः जुइमाःगु खः बांलाक होश या। मूर्खत थें मखु, बुद्धि दुपिं थें जु।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

व्‍यवस्‍था 4:9

तर बांलाक होश यानाच्‍वँ, छिमिसं मिखां खंगु खँ गुबलें ल्‍वममंकेत होश यानाच्‍वँ अले छिमिसं म्‍वानाच्‍वंतले थुपिं आज्ञा थःगु मनं चिला वंकेबी मते। अले थुपिं आज्ञा थः काय्‌म्‍ह्याय्‌पिं व छय्‌पिन्‍त बीगु पक्‍का या।

व्‍यवस्‍था 4:15

होरेबय् परमप्रभु छिपिंलिसें मिया दथुं खँ ल्‍हानादीबलय् छिमिसं वय्‌कःयागु छुं नं रूप मखं। अथे जुयाः होश या,

यहोशू 23:10

छिमि छम्‍हय्‌सिनं द्वःछिम्‍हय्‌सित लिनाछ्वये फइ, छाय्‌धाःसा परमप्रभुं थःगु बचंकथं छिमिगु निंतिं ल्‍वानादी।

यहोशू 23:12

“छिमिसं परमेश्‍वरयात त्‍वःतल धाःसा अले छिमिगु दथुइ ल्‍यंदुपिं जातितलिसें स्‍वापु तल धाःसा अले इपिंलिसें ब्‍याहा यात धाःसा

व्‍यवस्‍था 30:16

अथे जुयाः परमप्रभु परमेश्‍वरयात माया या, वय्‌कःया लँपुइ हुँ, वय्‌कःया आज्ञा, विधि व नियम मानय् या धकाः जिं थौं छिमित उजं बी। अले जक छिपिं म्‍वाइ, छिमिगु ल्‍याः अप्‍वः जुइ, अले छिमिसं अधिकार यायेत्‍यंगु देशय् परमप्रभु छिमि परमेश्‍वरं छिमित सुवाः बियादी।

व्‍यवस्‍था 30:20

अथे जुयाः परमप्रभु छिमि परमेश्‍वरयात माया या, अले वय्‌कःया खँ न्‍यँ। वय्‌कः नापं प्‍यपुनाच्‍वँ छाय्‌धाःसा वय्‌कः हे छिमिगु जीवन खः। अले थथे यात धाःसा परमप्रभुं छिमि पुर्खा अब्राहाम, इसहाक व याकूबलिसें बी धकाः पाफयादीगु देशय् वय्‌कलं छिमित ताः आयु बियादी।