यहोशू 22:9 - नेवाः बाइबल

⁹ अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

यहोशू 22:9 Referans Kwoze

गन्‍ती 32:29

वं इमित धाल, “गादी व रूबेनीत छिपिंनापं परमप्रभुया न्‍ह्यःने लडाइँलय् ल्‍वाभः ज्‍वनाः यर्दनया उखे वंसा अले देश छिमिगु ल्‍हातय् दये धुंकाः छिमिसं गिलाद देश इमित सम्‍पत्तिकथं ब्‍यु।

गन्‍ती 32:26

जिमि मचाखाचा, मिस्‍त, सा द्वहं, फै, दुगु-च्‍वलय् धाःसा थन गिलादया शहरय् हे च्‍वनी।

गन्‍ती 32:1

रूबेन व गाद कुलयापिन्‍के यक्‍व हे पशुत दु। इमिसं याजेर व गिलाद देश खंबलय् व थाय् पशु लहित ज्‍यूगु खन।

भजनसंग्रहया सफू 60:7

गिलाद व मनश्‍शेनं जिगु हे खः। एफ्राइम जिगु छ्यंया सुरक्षा खः। यहूदा जिगु राजदण्‍ड खः।

यहोशू 13:31

अले गिलादया बच्‍छि ब्‍व व न्‍हापा बाशानया जुजु ओग च्‍वनीगु शहरत अस्‍तारोत व एद्रई। थुपिं इलाका मनश्‍शेया काय् माकीरया बच्‍छि सन्‍तानतय्‌त वंश वंश यानाः बिल।

यहोशू 13:25

इमिगु सिमाना थथे दु – याजेरया इलाका व गिलादया फुक्‍क शहर, अम्‍मोनीतय्‌गु बच्‍छि देश, रब्‍बाया लिक्‍कयागु अरोएर तक,

यहोशू 13:11

गशूरी व माकातीयापिं मनूतय्‌गु इलाका गिलाद, हेर्मोन पर्वत, फुक्‍क बाशान सलका तक हे

यहोशू 22:10

रूबेनी, गादी व मनश्‍शेया बच्‍छि कुल कनान देशय् यर्दनयागु लिक्‍कसं च्‍वंगु गलीलोतय् थ्‍यंबलय् इमिसं यर्दन खुसि सिथय् छगू तःधंगु वेदी दय्‌कल।

न्‍यायकर्ता 5:17

गिलाद यर्दनया उखे हे च्‍वन। अले दान छाय् जहाजतय्‌गु लिक्‍क पियाच्‍वंगु? आशेर समुद्रया सिथय् हे लिबाकाच्‍वन, अले थःगु हे गुफातय् च्‍वन।

२ शमूएल 2:9

अले गिलाद, अशूरी, यिजरेल, एफ्राइम, बेन्‍यामीन अथवा फुक्‍क इस्राएलया जुजु दय्‌कल।

१ इतिहास 5:9

गिलादय् इमि सा द्वहंतय्‌गु ल्‍याः अप्‍वया वंगुलिं इमिसं व देशया पुर्बपाखे मरुभूमि तकया छगू इलाका कब्‍जा यात। मरुभूमि यूफ्रेटिस खुसि तक न्‍यनावंगु दु।

गन्‍ती 32:20

अले मोशां इमित धाल, “छिमिसं थःपिन्‍सं धाःथें ल्‍वाभः ज्‍वनाः परमप्रभुया न्‍ह्यःने लडाइँलय् वन,

गन्‍ती 32:22

परमप्रभुया न्‍ह्यःने व देशयात त्‍याकेधुंकाः छिपिं लिहां वये फइ। अले परमप्रभु व इस्राएलीतय्‌गु लागि छिमिसं यायेमाःगु ज्‍या पूवनी। अले यर्दनया पुर्बपाखे च्‍वंगु थाय् परमप्रभुयापाखें छिमिगु सम्‍पत्ति जुइ।

व्‍यवस्‍था 3:18

उबलय् जिं यर्दन पुर्ब च्‍वनाच्‍वनिपिन्‍त थ्‍व आज्ञा बिया, “परमप्रभु छिमि परमेश्‍वरं थ्‍व देश छिमित अधिकार यायेत बियादीगु खः। अय्‌नं छिमि सकलें सेना ल्‍वाभः ज्‍वनाः थः इस्राएली दाजुकिजातय्‌गु न्‍ह्यःने न्‍ह्यःने वनेमाः।

व्‍यवस्‍था 3:20

परमप्रभुं छिमित थें छिमि दाजुकिजापिन्‍त आराम बियामदीतले अले इमिसं नं परमप्रभु छिमि परमेश्‍वरं यर्दन पच्‍छिमय् इमित बियादीगु जमिन अधिकार मयातले छिमिसं थथे या। अनंलि जिं छिमिगु अधिकारय् बियागु देशय् फुक्‍क मिजंत लिहां वये फइ।”

व्‍यवस्‍था 34:1

अनं लिपा मोशा मोआबया ख्‍यलं यरीहो शहरया उखे पिसगा गुँझ्‍वःया नेबो पर्वत च्‍वकाय् थाहां वन। अनं परमप्रभुं वयात फुक्‍क देश क्‍यनादिल – गिलादंनिसें दान तक,

न्‍यायकर्ता 20:1

अले उत्तरय् दानंनिसें दच्‍छिनय् बेर्शेबातक व पुर्बय् गिलादंनिसें सकलें इस्राएलीत पिहां वल। इपिं छप्‍पँ जुयाः परमप्रभुया न्‍ह्यःने मिस्‍पाय् मुन।