यहोशू 21:44 - नेवाः बाइबल

⁴⁴ परमप्रभुं इमि पुर्खातलिसें पाफयादीगु थें वय्‌कलं देशय् न्‍यंक इमित आराम बियादिल। इमि छम्‍ह नं शत्रु इमि न्‍ह्यःने दने मफुत छाय्‌धाःसा परमप्रभुं इस्राएलीतय्‌गु ल्‍हातय् इमि फुक्‍क शत्रुत लःल्‍हानादिल।

यहोशू 21:44 Referans Kwoze

यहोशू 11:23

थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

हिब्रू 4:9

अय्‌जूगुलिं परमेश्‍वरया मनूतय्‌गु निंतिं विश्रामबारया झासु लनेगु ई ल्‍यंदनी।

प्रस्‍थान 23:31

“जिं छिमिगु सिमाना लाल समुद्रनिसें पलिश्‍तीतय्‌गु समुद्र तक, अले मरुभूमिंनिसें यूफ्रेटिस तक हे क्‍वःछिनाबी। जिं व देशयापिं मनूतय्‌त छिमिगु ल्‍हातय् बी, अले छिमिसं इमित लिनाछ्वइ।

यहोशू 22:9

अले रूबेनी, गादी व मनश्‍शेया बच्‍छि कुल परमप्रभुयागु आज्ञाकथं मोशापाखें इमित ब्‍यूगु अधिकारया देश गिलादय् वनेत इस्राएलीतलिसें बिदा जुयाः कनान देशयागु शीलों लिहां वन।

यहोशू 22:4

आः छिमि परमप्रभु परमेश्‍वरं छिमि मेपिं इस्राएलीतय्‌त नं थःगु बचंकथं आराम बियादी धुंकूगु दु। उकिं परमप्रभुया दास मोशां यर्दन पारि छिमित ब्‍यूगु थःगु जमिन दुगु थथःगु छेँय् लिहां हुँ।

यहोशू 1:15

परमप्रभु छिमि परमेश्‍वरं बियादीगु यर्दनया पच्‍छिम पाखेया देश त्‍याकाः मकातले छिपिं न्‍ह्यः न्‍ह्यः वनेमाः। परमप्रभुं छिमित थें इमित आराम बियादी धुंकाः छिपिं लिहां वयाः परमप्रभुया दास मोशां यर्दनया पुर्बय् छिमित ब्‍यूगु देशय् च्‍वने फइ।’”

यहोशू 1:13

“परमप्रभु छिमि परमेश्‍वरं छिमित आराम बियादी अले छिमित थ्‍व देश बियादीगु दु धकाः परमप्रभुया दास मोशां छिमित ब्‍यूगु आज्ञा लुमंकी।

प्रस्‍थान 33:14

परमप्रभुं लिसः बियादिल, “जि थः हे छनापं वने अले जिं छन्‍त विश्राम बी।”

व्‍यवस्‍था 21:10

छिमि शत्रुतलिसें लडाइँ याः वनीबलय् परमप्रभु छिमि परमेश्‍वरं शत्रुत छिमिगु ल्‍हातय् बियाः छिमिसं इमित ज्‍वनाः कुनीबलय्,

यहोशू 23:1

ताःई लिपा परमप्रभुं इस्राएलीतय्‌त प्‍यखेरं च्‍वंपिं फुक्‍क शत्रुतपाखें आराम बियादिल। अबलय् तक तसकं बुरा जुइ धुंकूम्‍ह यहोशूं

यशैया 63:14

गथे पशुत ब्‍यासिइ ज्‍वये यंकी, अथे हे परमप्रभुया आत्‍मां इमित आराम बी। अथे हे छिं थःगु नांया महिमाया निंतिं थः प्रजायात न्‍ह्यलुवाः जुयाः यंकादिल।

व्‍यवस्‍था 2:36

अर्नोन खुसियागु न्‍हसिकाप च्‍वसं दुगु अरोएरनिसें अले न्‍हसिकापया दथुइ दुगु शहरंनिसें गिलाद तक झीसं त्‍याकाकाये मफुगु बल्‍लाःगु शहर छगू नं मदु। परमप्रभु झी परमेश्‍वरं दक्‍व झीत बियादिल।

यहोशू 1:5

छ म्‍वानाच्‍वंतले छंगु विरोधय् सुं दनाच्‍वने फइ मखु। गथे जि मोशानापं च्‍वना, अथे हे जि छनापं च्‍वने। जिं छन्‍त गुबलें त्‍वःते मखु, गुबलें त्‍यागय् याये मखु।

यहोशू 2:24

इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

यहोशू 11:8

अले परमप्रभुं इमित इस्राएलीतय्‌गु ल्‍हातय् बियादिल। व इस्राएलीतय्‌सं इमित बुकाः उत्तरय् तःधंगु सीदोन व मिश्रपोत-मैम तक अले पुर्बय् मिस्‍पाया ब्‍यासि तक लिनायंकल। छम्‍हय्‌सित नं बाकि मतसें इस्राएलीतय्‌सं इमित स्‍यात।

यहोशू 11:12

अले थुपिं फुक्‍क शहरत इमि जुजुपिंनापं यहोशूं त्‍याका काल, अले परमप्रभुया दास मोशाया आज्ञाकथं इमित तरवारं भज्‍यंक नाश यानाबिल।

२ इतिहास 13:16

इस्राएलीत यहूदायापिं सिपाइँय् न्‍ह्यःनेनं बिस्‍युं वन, अले परमेश्‍वरं इस्राएलीतय्‌त इमिगु ल्‍हातय् बियादिल।