यहोशू 21:43 - नेवाः बाइबल

⁴³ थुकथं परमप्रभुं इमि पुर्खातलिसे बी धकाः पाफयादीगु फुक्‍क देश इस्राएलीतय्‌त बियादिल। अले इमिसं व देश अधिकार यानाः अन च्‍वन।

यहोशू 21:43 Referans Kwoze

उत्‍पत्ति 13:15

जिं छन्‍त व छिमि सन्‍तानयात छं खँक्‍व जग्‍गा बी। थ्‍व सदां छंगु हे जुइ।

उत्‍पत्ति 28:4

परमेश्‍वरं छन्‍त व छिमि सन्‍तानयात अब्राहामयात ब्‍यूगु आशिष बियादीमा। अले परमेश्‍वरं अब्राहामयात बी धाःगु व झी आः च्‍वनाच्‍वनागु देश नं परमेश्‍वरं छन्‍त बियादीमा।”

भजनसंग्रहया सफू 44:3

इमिसं तरवारया बलं देश त्‍याकाकाःगु मखु, इपिं थःगु शक्तिं त्‍याःपिं नं मखु। छिगु हे जव ल्‍हातं, छिगु हे लप्‍पां व छिगु ख्‍वाःया जलं इपिं त्‍याःगु खः। छाय्‌धाःसा छिं इमित यय्‌कादिल।

व्‍यवस्‍था 11:31

छिपिं परमप्रभु छिमि परमेश्‍वरं बियादीगु देश त्‍याका कायेत यर्दन खुसि छिनावने त्‍यंगु दु। छिपिं व थाय्‌यात त्‍याकाः अन च्‍वनाच्‍वनीबलय्

प्रस्‍थान 3:8

अथे जुयाः इमित मिश्रीतय्‌गु ल्‍हातं त्‍वःतकाः व देशं मेगु भिंगु व तःधंगु दुरु व कस्‍ति बाः वयाच्‍वंगु कनानी, हित्ती, एमोरी, परिज्‍जी, हिव्‍वी व यबूसीतय्‌गु देशय् हयेत जि क्‍वहां वयागु दु।

व्‍यवस्‍था 17:14

परमप्रभु छिमि परमेश्‍वरं बियादीगु देशय् वनाः उकियात त्‍याकाकयाः अन च्‍वनाः छिमिसं “जिमि प्‍यखेरं च्‍वनिपिं फुक्‍क जातितय्‌सं थें छम्‍ह जुजु दय्‌के” धकाः धाल धाःसा

उत्‍पत्ति 12:7

अले परमप्रभुं अब्रामयाथाय् झायाः धयादिल, “जिं थ्‍व देश छिमि सन्‍तानयात बी।” अले अब्रामं वयाथाय् झाःम्‍ह परमप्रभुया लागि अन छगू वेदी दय्‌कल।

व्‍यवस्‍था 34:4

अले परमप्रभुं वयात धयादिल, “अब्राहाम, इसहाक व याकूबयात इमि लिपायापिं इमि सन्‍तानतय्‌त बी धकाः पाफयाः बचं बियागु देश थ्‍व हे खः। जिं थ्‍व छन्‍त छंगु हे मिखां स्‍वये बिया, अय्‌नं छ अन वने दइ मखु।”

गन्‍ती 33:53

व देशयात त्‍याकाकयाः छिपिं अन हे च्‍वँ, छाय्‌धाःसा जिं व देश छिमित अधिकार यायेत बियागु दु।

यहोशू 21:42

थुपिं शहरयागु प्‍यखेरं पशु ज्‍वयेगु घाँय्‌ख्‍यः दु, फुक्‍क शहर अथे हे च्‍वं।

नहेम्‍याह 9:8

छिं वयात थः प्रति विश्‍वास बहःम्‍ह जूगु सीकादिल। अले छिं वया सन्‍तानतय्‌त कनानी, हित्ती, एमोरी, परिज्‍जी, यबूसी व गिर्गाशीतय्‌गु देश बी धकाः वलिसे बाचा चिनादिल। छिं थःगु बचं पूवंकादिल छाय्‌धाःसा छि विश्‍वास याये बहःम्‍ह खः।

नहेम्‍याह 9:24

“इमिसं कनान देश त्‍याकल, अनयापिं मनूत कनानीतय्‌त छिं इमिगु हे अधीनय् बियादिल। छिं कनानीतय्‌त इमि जुजुपिं व देशय् च्‍वंपिं मनूतलिसे थः यःथें व्‍यवहार यायेत इमिगु ल्‍हातय् बियादिल।

गन्‍ती 34:2

“इस्राएलीतय्‌त धा, ‘छिपिं कनान देश थ्‍यने धुंकाः जिं छिमित सर्बयकथं बी धयागु जमिन थुकथं जुइ।

व्‍यवस्‍था 12:29

छिमिसं लिनाछ्वये त्‍यंपिं जातितय्‌त परमप्रभु छिमि परमेश्‍वरं छिमिगु न्‍ह्यःनेनं नाश यानादी। अथे जूसां छिपिं इमिगु देशय् च्‍वनीबलय्

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

न्‍यायकर्ता 11:24

छिमि द्यः कमोशं छिमित छु बी छु व छिमिसं मकाइ ला? थुकथं हे जिमि परमप्रभु परमेश्‍वरं पितिना छ्वःपिं मनूतय्‌गु देश जिमिसं काये।

१ शमूएल 12:8

“याकूब मिश्र देशय् वने धुंकाः इमिसं ग्‍वाहालिया निंतिं परमप्रभुयात प्रार्थना यात। अथे हे वय्‌कलं मोशा व हारूनयात मिश्र देशय् छ्वयाः छिमि पुर्खातय्‌त अनं पित हयादिल अले थ्‍व थासय् तयादिल।

२ इतिहास 20:8

इपिं थन च्‍वन अले छिगु नांया लागि छगः देगः दय्‌काः थथे धाल,

भजनसंग्रहया सफू 78:55

वय्‌कलं थः मनूत न्‍ह्यांवंलिसे अनयापिं जात जातियापिं मनूतय्‌त ख्‍याना छ्वयादिल। अले इमिगु देश इस्राएलया कुलतय्‌त सर्बयकथं इनाबियादिल। इमिगु छेँनं थः मनूतय्‌त बियादिल।

भजनसंग्रहया सफू 105:8

वय्‌कलं थःगु बाचा न्‍ह्याबलें लुमंकादी, वय्‌कलं थःगु बाचा द्वलंद्वः पुस्‍तायात बियादीगु खः।

यर्मिया 32:23

तर इपिं वयाः थ्‍व देश त्‍याकाकाये धुंकाः इमिसं छिगु आज्ञा पालन मयात, छिगु व्‍यवस्‍थाकथं इपिं मजुल। छिं इमित छु छु या धकाः आज्ञा बियादीगु खः व इमिसं छुं नं मयाः। उकिं छिं थ्‍व फुक्‍क विपत्ति इमिके हयादिल।