यहोशू 2:16 - नेवाः बाइबल

¹⁶ वं इमित धाल, “छिकपिं डाँडापाखे झासँ, मखुसा जुजुया मनूतय्‌सं छिकपिन्‍त नापलाकी। इपिं थुखे लिहां मवतले स्‍वन्‍हु तक अन सुपिलाच्‍वनादिसँ। अनंलि थःगु लँपुइ झासँ।”

यहोशू 2:16 Referans Kwoze

याकूब 2:25

अथे हे राहाब धाःम्‍ह छम्‍ह मिसा वेश्‍या नं देशयागु फुक्‍क खँ सीकेत वःपिं यहूदी मनूतय्‌त बाय् बियाः बिसिके छ्वःगुलिं हे ला खः नि धर्मी जूगु।

१ शमूएल 23:14

दाऊद पहाडी देशय्, जीपया मरुभूमिया सुरक्षित थासय् वनाः सुला च्‍वंवन। शाऊलं वयात न्‍हिया न्‍हिं हे मालाच्‍वंगु खः। तर परमप्रभुं दाऊदयात वयागु ल्‍हातय् लःल्‍हाना मदी।

भजनसंग्रहया सफू 11:1

जि परमप्रभुया शरणय् वने, उकिं छिमिसं जितः गथे धाये फइ, “झंगः थें ब्‍वयाः गुँच्‍वकाय् हुँ!”

१ शमूएल 23:29

अले दाऊद अनं वनाः एन-गदीया लागाय् सुला च्‍वंवन।

यहोशू 2:22

इपिं वनाः डाँडाय् स्‍वन्‍हु तक ल्‍यूवंपिं लिहां मवंतले सुपिला च्‍वन। ल्‍यूवंपिन्‍सं लँ दुछि हे इमित माल तर नापलाके मफुत।

यहोशू 2:15

अथे जुयाः वं इमित छपु खिपतं झ्‍यालं क्‍वकाल। छाय्‌धाःसा व च्‍वनाच्‍वंगु छेँय् शहरया पखालय् हे लाः।