यहोशू 2:10 - नेवाः बाइबल

¹⁰ छिकपिं मिश्र देशं पिहां झाःबलय् छिकपिनिगु न्‍ह्यःने परमेश्‍वरं लाल समुद्रया लः सुकादीगु अले यर्दन पुर्बयापिं एमोरीतय् निम्‍हं जुजु सीहोन व ओगयात छिकपिन्‍सं भज्‍यंक नाश यानादीगु नं जिमिसं न्‍यनागु दु।

यहोशू 2:10 Referans Kwoze

व्‍यवस्‍था 2:30

अय्‌नं हेश्‍बोनया जुजु सीहोनं झीत थःगु देश जुयाः वने मब्‍यू छाय्‌धाःसा परमप्रभु छिमि परमेश्‍वरं वयात छिमिगु ल्‍हातय् बीत वयागु मनयात जिराहा व अतेरि यानादिल। अले थौं तक व छिमिगु ल्‍हातय् दु।

गन्‍ती 23:22

परमेश्‍वरं इमित मिश्रं पित हयादीगु दु। इमिगु बल जंगली द्वहंयागु थें च्‍वँ।

यहोशू 4:24

पृथ्‍वीइ च्‍वंपिं फुक्‍क मनूतय्‌सं परमप्रभुया ल्‍हाः बल्‍ला धकाः सीमा अले छिमिसं न्‍ह्याबलें परमप्रभु छिमि परमेश्‍वरयागु ग्‍याःचिकु कायेमा धकाः थ्‍व फुक्‍क जूगु खः।”

गन्‍ती 20:14

मोशां कादेशं एदोमया जुजुयाथाय् थथे धकाः दूतत छ्वल, “छिमि इस्राएली थःथितिपिन्‍सं थथे धयाच्‍वन, जिमित जूगु दुःख छिं सी हे स्‍यू।

गन्‍ती 24:8

परमेश्‍वरं इमित मिश्र देशं पित ब्‍वनाहल। इमिगु बल जंगली द्वहं थें च्‍वं। इमिसं थः शत्रुतय्‌त नुनाछ्वइ, अले इमिगु क्‍वँय् चुंचुं यानाबी, अले वाणं इमित सुयाबी।

यहोशू 5:1

इस्राएलीतय्‌सं खुसि मछीतले परमप्रभुं यर्दनयात गंगु बँ यानादीगु खँ यर्दनया पच्‍छिमय् च्‍वंपिं एमोरी जुजुपिन्‍सं व समुद्रया सिथय् च्‍वंपिं कनानी फुक्‍क जुजुपिन्‍सं न्‍यन। इस्राएलीतय्‌सं यानाः इमिगु नुगः भाराभारा मिनाः साहस मन्‍त।

भजनसंग्रहया सफू 74:15

छिं हे लःया मूल तछ्यानाः खुसि व झ्‍वाला हाय्‌कादिल। छिं ततःधंगु खुसित गंकादिल।

यहोशू 9:10

यर्दनया पुर्बय् एमोरीतय् निम्‍हं जुजु, हेश्‍बोनया जुजु सीहोनयात व अस्‍तारोतय् च्‍वंम्‍ह बाशानया जुजु ओगयात छु छु यानादीगु खः व नं न्‍यनागु दु।

यहोशू 24:12

एमोरीतय् निम्‍ह जुजुतय्‌त छिमिगु न्‍ह्यःनं लिनाछ्वयेत जिं छिमिगु न्‍ह्यःने न्‍ह्यःने आतंक छ्वयाबिया। व छिमिगु तरवार व धनुष जूगु मखु।