यहोशू 19:9 - नेवाः बाइबल

⁹ शिमियोनीतय्‌त यहूदा कुलया जमिनपाखें हे सर्बय् दुगु खः। यहूदायात ब्‍यूगु भाग इमित माःगु स्‍वयाः अप्‍वः जूगुलिं उकियागु छब्‍व शिमियोन कुलयात बिल। अथे जुयाः शिमियोनीतय्‌त इमिगुपाखें हे सर्बय् दुगु खः।

यहोशू 19:9 Referans Kwoze

प्रस्‍थान 16:18

इमिसं व ओमेरं दाना स्‍वःबलय् अप्‍वः मुंकूपिनि अप्‍वः मजू, कम मुंकूपिनि मगाः मजू। फुक्‍कसिनं माःछि जक मुन।

उत्‍पत्ति 49:7

इमिगु तंयात सराः लायेमा छाय्‌धाःसा व तसकं ग्‍यानापु। इमिगु तंयात सराः लायेमा छाय्‌धाःसा व तसकं छाः। जिं इमित ब्‍वथलाबी जिं इमित इस्राएलय् छ्यालब्‍याल यानाबी।

यहोशू 19:8

अले नेगेबय् रामा धाइगु बालात-बेअर तक हे थुपिं शहरतय्‌गु प्‍यखेरं च्‍वंगु गांत नं इमित दत। शिमियोन कुलया सर्बय् इमिगु वंश वंशकथं थ्‍व हे खः।

यहोशू 19:10

स्‍वंगूगु चिट्ठा जबूलून कुलयात इमि वंश वंशकथं लात। इमित ब्‍यूगु सर्बयया सिमाना सारीद तक थ्‍यन,

इजकिएल 48:7

“रूबेनया सिमानाया लिक्‍कसं, पुर्बंनिसें पच्‍छिमपाखे तक यहूदायागु छब्‍व जुइ।

गन्‍ती 26:54

तःधंगु पुचःयात तःधंगु सर्बय अले चिधंगु पुचःयात चिधंगु सर्बय ब्‍यु। फुक्‍कसित इमिगु थःगु सर्बय धलखय् दुथ्‍याःगु ल्‍याःकथं बीमाः।