यहोशू 17:1 - नेवाः बाइबल

¹ चिट्ठा तःबलय् योसेफया कुलया तःधिकःम्‍ह काय् मनश्‍शेया कुलयात लाःगु भाग थ्‍व हे खः। मनश्‍शेया तःधिकःम्‍ह काय् माकीर गुम्‍ह गिलादीतय् पुर्खा खः, वयात गिलाद व बाशान देश बी धुंकूगु खः, छाय्‌धाःसा माकीरीत ल्‍वायेसःपिं सिपाइँत खः।

यहोशू 17:1 Referans Kwoze

गन्‍ती 26:29

मनश्‍शेया सन्‍तान – माकीरपाखें माकीरीतय् वंश। माकीरया काय् गिलादपाखें गिलादीतय् वंश।

उत्‍पत्ति 41:51

योसेफं “परमेश्‍वर जितः जिगु फुक्‍क दुःख ल्‍वःमंके बियादिल, अले जिमि बाःया छेँयागु फुक्‍क खँ नं ल्‍वःमंके बियादिल” धकाः थः न्‍हापांम्‍ह काय्‌यागु नां मनश्‍शे तल।

उत्‍पत्ति 50:23

योसेफं एफ्राइमया पाखें छुइ तकं खन। वं मनश्‍शेया काय् माकीरया नकतिनि बूपिं मस्‍त तकं थःगु मुलय् तये खन।

उत्‍पत्ति 46:20

ओनयाम्‍ह पुजाहारी पोतीपेराया म्‍ह्याय् आसनतया पाखें मिश्रय् बूपिं योसेफया काय्‌पिं मनश्‍शे व एफ्राइम खः।

उत्‍पत्ति 48:18

वं थः बौयात धाल, “थथे मखु बाः, थ्‍व न्‍हापां बूम्‍ह खः, थ्‍वयागु छेनय् जवगु ल्‍हाः तयादिसँ।”

१ इतिहास 2:23

तर गशूर व अरामं इमिगुपाखें हब्‍बात-याईर व केनातयात उकिया जःखः च्‍वंगु खुइगू शहरनापं त्‍याका काल। थुपिं सकले गिलादया बाः माकीरया सन्‍तान खः।

न्‍यायकर्ता 5:14

इपिं एफ्राइमं बेसी तक वल, बेन्‍यामीन कुलयापिं ल्‍यूल्‍यू वल। माकीरं कप्‍तानत कुहां वल, जबूलून कुलं सेनाया कप्‍तानया कथि ज्‍वनाः मनूत वल।

व्‍यवस्‍था 21:17

थः यःम्‍ह कलाःपाखें दुम्‍ह मखुसां वं न्‍हापां बूम्‍ह काय्‌यात थःगु सम्‍पत्तिं निदुगं अंग्‍स बियाः न्‍हापां बूम्‍ह काय् खः धकाः नालेमाः। न्‍हापां बूम्‍ह काय् थः बौया बलया न्‍हापांगु चिं खः। अले न्‍हापां बूम्‍ह काय्‌यागु हक वयागु हे खः।

गन्‍ती 32:33

अले मोशां गादीत, रूबेनीतय्‌त व योसेफया काय् मनश्‍शेया बच्‍छि कुलयात एमोरीतय् जुजु सीहोनयागु देश व बाशानया जुजु ओगयागु देश इमिगु सिमाना दुने लाःगु शहर नापं फुक्‍क देश बिल।

गन्‍ती 27:1

सलोफाद हेपेरया काय् खः। हेपेर गिलादया काय् खः। गिलाद माकीरया काय् खः। माकीर मनश्‍शेया काय् खः, मनश्‍शे योसेफया काय् खः। सलोफादया न्‍याम्‍ह म्‍ह्याय्‌पिं दु। इमिगु नां महला, नोअहा, होग्‍ला, मिल्‍का व तिर्सा खः।

उत्‍पत्ति 48:17

थः बौनं जवगु ल्‍हाः एफ्राइमयागु छेनय् तःगु योसेफयात मयल। उकिं वं एफ्राइमयागु छेनं थः बौया ल्‍हाः चीकाः मनश्‍शेया छेनय् तयाबीत स्‍वल।

यहोशू 17:2

अथे जुयाः ल्‍यंदुपिं मनश्‍शेया सन्‍तानत अबीएजेर, हेलेक, अस्रीएल, शकेम, हेपेर व शमीदाया वंशतय्‌त यर्दनया पच्‍छिमया इलाका भाग दत। इपिं योसेफया काय् मनश्‍शेया कुलयापिं मिजंत खः।

यहोशू 22:7

मनश्‍शेया बच्‍छि कुलयात ला मोशां बाशानय् जमिन ब्‍यूगु खः। मनश्‍शेया मेपिं बच्‍छियात धाःसा यहोशूं यर्दनया पच्‍छिमपाखे मेपिं इस्राएलीतय्‌गु दथुइ जमिन बिल। उकिं यहोशूं इमित छेँय् छ्वःबलय् सुवाः बियाः

इजकिएल 48:4

“नप्‍तालीया सिमानाया लिक्‍कसं, पुर्बंनिसें पच्‍छिम तक मनश्‍शेयागु छब्‍व जुइ।

उत्‍पत्ति 41:52

अले वं निम्‍हम्‍ह काय्‌यागु नां “परमेश्‍वरं जितः जिं दुःखसियागु देशय् मस्‍त बियादिल” धकाः एफ्राइम तल।

२ शमूएल 2:9

अले गिलाद, अशूरी, यिजरेल, एफ्राइम, बेन्‍यामीन अथवा फुक्‍क इस्राएलया जुजु दय्‌कल।

इजकिएल 47:13

परमप्रभु परमेश्‍वरं थथे धयादी, “इस्राएलया झिंनिगू कुलयात सर्बयया लागि छिमिसं देश इनाबीबलय् देशया सिमाना थथे जुइ। योसेफया लागि निगू भाग जुइ।