यहोशू 14:4 - नेवाः बाइबल

⁴ योसेफया सन्‍तान निगू कुल जूगु दु, मनश्‍शे व एफ्राइम। लेवीया सन्‍तानतय्‌त व देशयागु बुँ ला मब्‍यू तर च्‍वनेत शहर व इमि पशुतय्‌गु पुचः व बथांया लागिं ज्‍वयेगु थाय् जक बिल।

यहोशू 14:4 Referans Kwoze

उत्‍पत्ति 48:5

“जि थन मिश्रय् वये न्‍ह्यः थन हे बूपिं छं निम्‍ह काय् मनश्‍शे व एफ्राइम नं रूबेन व शिमियोन थें जिम्‍ह हे खः।

उत्‍पत्ति 41:51

योसेफं “परमेश्‍वर जितः जिगु फुक्‍क दुःख ल्‍वःमंके बियादिल, अले जिमि बाःया छेँयागु फुक्‍क खँ नं ल्‍वःमंके बियादिल” धकाः थः न्‍हापांम्‍ह काय्‌यागु नां मनश्‍शे तल।

उत्‍पत्ति 46:20

ओनयाम्‍ह पुजाहारी पोतीपेराया म्‍ह्याय् आसनतया पाखें मिश्रय् बूपिं योसेफया काय्‌पिं मनश्‍शे व एफ्राइम खः।

उत्‍पत्ति 48:1

छुं ई लिपा योसेफयात सुनानं वया बौ याकूब तसकं म्‍हंमफय्‌का च्‍वन धकाः कं वल। योसेफ थः निम्‍ह काय् मनश्‍शे व एफ्राइमयात ब्‍वनाः याकूबयात स्‍वःवन।

गन्‍ती 26:28

योसेफया सन्‍तान, मनश्‍शे व एफ्राइमया सन्‍तान वंशकथं थथे दु –

२ इतिहास 30:1

परमप्रभु इस्राएलया परमेश्‍वरया निंतिं छुत्‍काराया नखः हनेत यरूशलेमय् परमप्रभुया देगलय् वा धकाः हिजकियां इस्राएल व यहूदाया फुक्‍क मनूतय्‌थाय् खबर छ्वल। अले एफ्राइम व मनश्‍शेया मनूतय्‌त नं पौ छ्वल।

उत्‍पत्ति 41:52

अले वं निम्‍हम्‍ह काय्‌यागु नां “परमेश्‍वरं जितः जिं दुःखसियागु देशय् मस्‍त बियादिल” धकाः एफ्राइम तल।

उत्‍पत्ति 48:6

वयां लिपा बूपिं धाःसा जिम्‍ह जुइ मखु, छंम्‍ह हे जुइ। इमिसं वया दाजुपिं मनश्‍शे व एफ्राइमपाखें अंश काइ।

यहोशू 16:4

थथे योसेफया काय्‌पिं मनश्‍शे व एफ्राइमया सन्‍तानं थथःगु भाग काल।