यहोशू 14:10 - नेवाः बाइबल

¹⁰ “आः स्‍वयादिसँ! परमप्रभुं मोशायात अथे धयादीगु पिइन्‍यादँ दये धुंकल। उबलय् इस्राएलीत मरुभूमिइ हे चाचाःहिलाच्‍वन। अनंलि थौं तक परमप्रभुं थःगु बचंकथं जितः म्‍वाका तयादीगु दु। थौं जि चयन्‍यादँ हे दये धुंकल।

यहोशू 14:10 Referans Kwoze

गन्‍ती 14:30

अले यपुन्‍नेया काय् कालेब व नूनया काय् यहोशू बाहेक छिपिं मध्‍ये सुं नं जिं ल्‍हाः ल्‍ह्वनाः छिमित तये धकाः पाफयागु देशय् वने दइ मखु।

यहोशू 11:18

यहोशू इपिं जुजुपिंलिसें यक्‍व दिं तक ल्‍वात।

यहोशू 13:1

यहोशू बुरा जुइ धुंकाः परमप्रभुं वयात धयादिल, “छ तसकं बुरा जुइ धुंकल अय्‌नं त्‍याका कायेमानिगु देशत यक्‍व दनि।”

यहोशू 14:9

उकिं उखुन्‍हु मोशां पाफयाः जितः थथे धाल, ‘छं पलाः तःगु देश सदांया निंतिं छंगु व छिमि काय् म्‍ह्याय्‌पिनिगु सर्बय् जुइ। छाय्‌धाःसा छं दुनुगलंनिसें परमप्रभु जिमि परमेश्‍वरया आज्ञा मानय् यात।’

यहोशू 14:11

मोशां जितः छ्वःबलय् जिके गुलि बल दुगु खः आः नं जिके उलि हे बल दनि। उबलय् लडाइँलय् वनेत गुलि फुर्ति दुगु खः उलि हे फुर्ति आः नं जिके दनि।

भजनसंग्रहया सफू 91:7

छंगु न्‍ह्यःने द्वःछिम्‍ह, अले छंगु जवपाखे झिद्वःम्‍ह क्‍वदलेफु अय्‌नं छन्‍त छुं जुइ मखु।

भजनसंग्रहया सफू 107:4

छुं मनूत लँ लुइके मफइगु मरुभूमिइ चाचाःहिला जुल, इमिसं च्‍वनेत शहर मालाजुल अय्‌नं इमिसं लुइके मफुत।

गन्‍ती 14:38

देशया चिवा काःवंपिं मनूत मध्‍ये यहोशू व कालेब जक ल्‍यन।