यहोशू 13:6 - नेवाः बाइबल

⁶ “लेबनानंनिसें मिस्रपोत-मैम तक सीदोनीतय् पहाडयागु देशयापिं मनूत, जिं थःम्‍हं हे इपिं सकसित इस्राएलीतय्‌गु न्‍ह्यःनें लिनाछ्वये। जिं छन्‍त धया थें व देश इस्राएलीतय्‌त चिट्ठा तयाः सर्बयकथं इनाब्‍यु।

यहोशू 13:6 Referans Kwoze

यहोशू 11:8

अले परमप्रभुं इमित इस्राएलीतय्‌गु ल्‍हातय् बियादिल। व इस्राएलीतय्‌सं इमित बुकाः उत्तरय् तःधंगु सीदोन व मिश्रपोत-मैम तक अले पुर्बय् मिस्‍पाया ब्‍यासि तक लिनायंकल। छम्‍हय्‌सित नं बाकि मतसें इस्राएलीतय्‌सं इमित स्‍यात।

यहोशू 23:13

परमप्रभु छिमि परमेश्‍वरं थुपिं जातितय्‌त छिमिगु न्‍ह्यःनें पित छ्वयादी मखु धयागु खँ सीका का, तर इपिं छिमिगु लागिं तक्‍यंकीगु जाः व स्‍वःतिपाँय् जुइ अले छिमिगु म्‍ह ल्‍युने कोर्रा व मिखाय् कँ जुइ। अले परमप्रभु छिमि परमेश्‍वरं छिमित बियादीगु थ्‍व भिंगु थासं छिपिं मदया मवंतले थ्‍व खँ जुया हे च्‍वनी।

यहोशू 23:4

जिं गथे यानाः यर्दन खुसिंनिसें पच्‍छिमय् भूमध्‍यसागर तकयापिं जिं त्‍याकाःपिं अले ल्‍यंदुपिं जातितय्‌गु फुक्‍क इलाका चिट्ठा ततं छिमिगु कुलतय्‌त सर्बयकथं इनाबियागु खः व लुमंकि।

गन्‍ती 33:54

छिमिसं थथःगु सर्बयकथं व देशय् गोला तयाः जमिन इनाब्‍यु। अप्‍वः छेँजः दुगु कुलयात अप्‍वः अले कम छेँजः दुगु कुलयात छिमिसं कम सर्बय ब्‍यु। सुयागु गोला गन लाइ व वयागु हे जुइ। छिमिगु पुर्खाया कुलकथं थ्‍व इनाब्‍यु।

यहोशू 13:7

अले थुकियात गुंगू कुल व मनश्‍शेया बच्‍छि कुलयात सर्बयकथं इनाब्‍यु।”

भजनसंग्रहया सफू 80:8

छिं जिमित दाखमा थें मिश्रं हयादिल। छिं मेमेगु जातियापिन्‍त पितिनाः जिमित थःगु देशय् पिनादिल।

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।

यहोशू 11:12

अले थुपिं फुक्‍क शहरत इमि जुजुपिंनापं यहोशूं त्‍याका काल, अले परमप्रभुया दास मोशाया आज्ञाकथं इमित तरवारं भज्‍यंक नाश यानाबिल।

यहोशू 23:5

परमप्रभु छिमि परमेश्‍वर थःम्‍हं हे छिमिगु न्‍ह्यःने इमित पित छ्वयादी। अले परमप्रभु छिमि परमेश्‍वरं धयादी थें छिमिसं इमिगु देश अधिकार याइ।