यहोशू 13:1 - नेवाः बाइबल

¹ यहोशू बुरा जुइ धुंकाः परमप्रभुं वयात धयादिल, “छ तसकं बुरा जुइ धुंकल अय्‌नं त्‍याका कायेमानिगु देशत यक्‍व दनि।”

यहोशू 13:1 Referans Kwoze

यहोशू 14:10

“आः स्‍वयादिसँ! परमप्रभुं मोशायात अथे धयादीगु पिइन्‍यादँ दये धुंकल। उबलय् इस्राएलीत मरुभूमिइ हे चाचाःहिलाच्‍वन। अनंलि थौं तक परमप्रभुं थःगु बचंकथं जितः म्‍वाका तयादीगु दु। थौं जि चयन्‍यादँ हे दये धुंकल।

व्‍यवस्‍था 31:3

परमप्रभु छिमि परमेश्‍वर थः हे छिमिगु न्‍ह्यःने यर्दनया उखे झाइ। वय्‌कलं छिमिगु न्‍ह्यःने इपिं जातितय्‌त नाश यानादी, अले छिमिसं इमिगु देश त्‍याकाकाइ। परमप्रभुं धयादीकथं यहोशू नं छिमिगु न्‍ह्यःने न्‍ह्यःने यर्दन छिनावनी।

यहोशू 24:29

थुपिं फुक्‍क खँ जुइ धुंकाः परमप्रभुया दास, नूनया काय् यहोशू सछि व झिदँ दुबलय् सित।

लूका 1:7

इमि मस्‍त मदु, छाय्‌धाःसा एलीशिबा थारिम्‍ह मिसा खः। अले हानं इपिं निम्‍हं बुराबुरी जुइ धुंकल।

उत्‍पत्ति 18:11

अब्राहाम व सारा तसकं बुराबुरी जुइ धुंकल। साराया मचाबुइकेगु ई नं पुलेधुंकल।

१ राजा 1:1

जुजु दाऊद यक्‍व बुरा जुल। वयात न्‍ह्याक्‍व हे फांगा फाय्‌काब्‍यूसां वयागु म्‍ह मक्‍वाः।

यहोशू 13:2

“थुपिं देशत ल्‍यंदनि, पलिश्‍ती व गशूरीतय् फुक्‍क इलाका–

गन्‍ती 34:2

“इस्राएलीतय्‌त धा, ‘छिपिं कनान देश थ्‍यने धुंकाः जिं छिमित सर्बयकथं बी धयागु जमिन थुकथं जुइ।

गन्‍ती 34:12

अनंलि छिमिगु लागा यर्दन खुसिपाखे क्‍वहां वनाः मृत सागर तक थ्‍यनी। “‘थ्‍व हे छिमिगु देशया लागा जुइ।’”

यहोशू 18:3

उकिं यहोशूं इस्राएलीतय्‌त धाल, “छिमि पुर्खातय् परमप्रभु परमेश्‍वरं छिमित बियादीगु देश त्‍याका कायेत छाय् लिबाका च्‍वनेगु?

यहोशू 20:1

अले परमप्रभुं यहोशूयात थथे धयादिल,