यहोशू 12:2 - नेवाः बाइबल

² छम्‍ह हेश्‍बोनय् राज्‍य याइम्‍ह एमोरी जुजु सीहोन, वं अर्नोन खोँचया च्‍वसं दुगु अरोएर शहरंनिसें अम्‍मोनीतय्‌गु सिमानायागु यब्‍बोक खुसि तक राज्‍य याइगु खः। उकी बच्‍छि गिलाद नं लाः।

यहोशू 12:2 Referans Kwoze

उत्‍पत्ति 32:22

उखुन्‍हु हे चान्‍हय् याकूबं दनाः थः निम्‍हं कलाः, निम्‍ह दासी व झिंछम्‍ह काय्‌पिन्‍त यंकाः यब्‍बोक खुसि छिकल।

भजनसंग्रहया सफू 135:11

वय्‌कलं एमोरीतय् जुजु सीहोन, बाशानया जुजु ओग व कनानयापिं सकलें जुजुपिन्‍त स्‍यानादिल।

नहेम्‍याह 9:22

“छिं राज्‍यत व जातित बियाः तातापाःगु थाय् नं इनाबियादिल। सीहोन जुजुया देश हेश्‍बोन व ओग जुजुयागु देश बाशान इमिसं त्‍याका काल।

न्‍यायकर्ता 11:22

इमिसं अर्नोनंनिसें यब्‍बोक तक व मरुभूमिंनिसें यर्दन खुसि तक हे एमोरीतय्‌गु फुक्‍क लागा काल।”

न्‍यायकर्ता 11:13

अम्‍मोनी जुजुं यिप्‍ताया दूतय्‌त थ्‍व लिसः बिल, “इस्राएलीत मिश्र देशं वःबलय् इमिसं अर्नोनं यब्‍बोक व यर्दन तक जिमिगु देशया जमिन काःगु खः। अथे जूगुलिं आः व याउँक लितब्‍यु।”

१ इतिहास 5:8

व बेला। बेला अजाजया काय् खः। अजाज शेमाया काय् खः। शेमा योएलया काय् खः। इपिं अरोएरय् व अनं उत्तरय् नेबो व बाल-मोन तक च्‍वनीगु खः।

यर्मिया 48:19

हे अरोएरय् च्‍वंपिं, लँय् दनाः बांलाक स्‍व। बिस्‍युं वंपिं मनूत व मिसातय्‌त ‘छु जुल’ धकाः न्‍यँ।

व्‍यवस्‍था 1:4

वं हेश्‍बोनय् राज्‍य याइम्‍ह एमोरीतय् जुजु सीहोन अले अस्‍तारोत व एद्रईलय् राज्‍य याइम्‍ह बाशानया जुजु ओगयात बूकेधुंकाः थ्‍व जूगु खः।