यहोशू 11:9 - नेवाः बाइबल

⁹ परमप्रभुं आज्ञा बियादीगुकथं यहोशूं इमित यात। वं इमि सलतय्‌गु पुलिया ल्‍युने च्‍वंगु सँय्‌प्‍वाँय् चानाबिल अले इमि रथत मिं छ्वय्‌काबिल।

यहोशू 11:9 Referans Kwoze

यहोशू 11:6

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा कन्‍हय् थुबलय् हे इपिं स्‍याःपिं सकसितं जिं इस्राएलीतय्‌गु ल्‍हातय् तयाबी। छं इमि सलतय्‌गु तुतिख्‍वःया लिउने च्‍वंगु सँय्‌प्‍वाँय् चानाब्‍यु, अले इमिगु रथत मिं छ्वय्‌काब्‍यु।”

उत्‍पत्ति 49:6

जिं गुबलें नं इमिगु ज्‍या व बिचालय् ब्‍वति मकया छाय्‌धाःसा इमिसं तमय् मनूत स्‍याःगु दु। अले थःयत्‍थें द्वहंतय्‌त पाःगु दु।

२ शमूएल 8:4

दाऊदं द्वःछि गः रथ व न्‍हय्‌द्वःम्‍ह रथ चले याइपिं व निइद्वःम्‍ह न्‍यासि जुइपिं सिपाइँतय्‌त कब्‍जा यात। दाऊदं सछिम्‍ह सल बाहेक हददेजेरया रथ सालिपिं दक्‍व सलतय्‌त खुत्‍यां यानाबिल।

नहूम 2:13

दक्‍व शक्ति दुम्‍ह परमप्रभुं धयादी, “जि छंगु विरोधय् दु। जिं छंगु रथतय्‌त च्‍याकाबी अले अन कुँया कुं जुइ, अले ल्‍याय्‌म्‍ह सिंहतय्‌त तरवारं स्‍याइ। जिं छंगु निंतिं पृथ्‍वीइ शिकार त्‍वःते मखु। अले छन्‍त खबर हइम्‍हय्‌सिया सः आवंलि न्‍यनेदइ मखु।”

भजनसंग्रहया सफू 46:10

“सुम्‍क च्‍वँ! जि परमेश्‍वर खः धकाः सीकि! जितः फुक्‍क जातियापिन्‍सं तःधंकी, संसारय् न्‍यंकभनं जितः तःधंकी।”