यहोशू 11:23 - नेवाः बाइबल

²³ थथे परमप्रभुं मोशायात धयादीगु थें हे यहोशूं फुक्‍क देश त्‍याका काल। अले यहोशूं व देश इस्राएलयात सर्बयकथं इमिगु कुल कुल यानाः इनाबिल। अनंलि देशय् शान्‍ति जुल।

यहोशू 11:23 Referans Kwoze

भजनसंग्रहया सफू 46:9

वय्‌कलं संसारया फुक्‍क थासय् लडाइँ दिकादी। वय्‌कलं धनुष व भाला त्‍वथुलादी। अले ढालयात मिइ छ्वय्‌काबी।

यहोशू 23:1

ताःई लिपा परमप्रभुं इस्राएलीतय्‌त प्‍यखेरं च्‍वंपिं फुक्‍क शत्रुतपाखें आराम बियादिल। अबलय् तक तसकं बुरा जुइ धुंकूम्‍ह यहोशूं

यहोशू 22:4

आः छिमि परमप्रभु परमेश्‍वरं छिमि मेपिं इस्राएलीतय्‌त नं थःगु बचंकथं आराम बियादी धुंकूगु दु। उकिं परमप्रभुया दास मोशां यर्दन पारि छिमित ब्‍यूगु थःगु जमिन दुगु थथःगु छेँय् लिहां हुँ।

यहोशू 18:10

अले यहोशूं शीलोय् परमप्रभुया न्‍ह्यःने इमिगु निंतिं चिट्ठा तल। अले अन हे यहोशूं इस्राएलीतय्‌त इमिगु भाग भागकथं देश इनाबिल।

यहोशू 11:18

यहोशू इपिं जुजुपिंलिसें यक्‍व दिं तक ल्‍वात।

व्‍यवस्‍था 25:19

परमप्रभु छिमि परमेश्‍वरं सर्बयकथं छिमिगु अधिकारय् बियादीगु देशय् शत्रुतपाखें छिमित आराम बियादी धुंकाः पृथ्‍वीं अमालेकीतय्‌गु नां हे न्‍हंकाछ्व। छिमिसं थ्‍व खँ गुबलें ल्‍वःमंके मते!

व्‍यवस्‍था 1:38

अय्‌नं छन्‍त ग्‍वाहालि याइम्‍ह नूनया काय् यहोशू अन दुहां वनी। छं वयात हःपाः ब्‍यु, छाय्‌धाःसा वं हे इस्राएलया न्‍ह्यलुवाः जुयाः व देशयात इमिगु अधिकारय् हइ।

प्रस्‍थान 34:11

थौं जिं छन्‍त बियाच्‍वनागु उजंयात मानय् या। स्‍व, जिं छंगु न्‍ह्यःनें एमोरी, कनानी, हित्ती, परिज्‍जी, हिव्‍वी व यबूसीतय्‌त लिनाछ्वये।

नहेम्‍याह 9:24

“इमिसं कनान देश त्‍याकल, अनयापिं मनूत कनानीतय्‌त छिं इमिगु हे अधीनय् बियादिल। छिं कनानीतय्‌त इमि जुजुपिं व देशय् च्‍वंपिं मनूतलिसे थः यःथें व्‍यवहार यायेत इमिगु ल्‍हातय् बियादिल।

इजकिएल 45:8

थ्‍व धाःसा इस्राएलय् वयागु जमिन जुइ। इस्राएलया राजकुमारतय्‌सं जिगु प्रजायात हाकनं गुबलें अत्‍याचार याइ मखु, तर इमिसं इस्राएलया घरानायात इमिगु कुल कुलकथं जग्‍गा जमिन बी।’”

यहोशू 12:7

यर्दनया पच्‍छिमपाखे लेबनानया ब्‍यासियागु बाल-गादंनिसें सेइरया तँचाय् दुगु हालाक डाँडा तकयागु थीथी देशयापिं जुजुपिन्‍त यहोशू व इस्राएलीतय्‌सं बुकल। यहोशूं इमिगु देश ब्‍वथल अले छगू छगू कुलयात इमिगु भाग बिल।