यहोशू 11:11 - नेवाः बाइबल

¹¹ व शहरय् दुपिं सकसितं तरवारं भज्‍यंक नाश यानाबिल। छम्‍हय्‌सित नं बाकि मतल। अले हासोरयात यहोशूं मि तयाः छ्वय्‌काबिल।

यहोशू 11:11 Referans Kwoze

यहोशू 10:40

थुकथं यहोशूं पहाडी देश, दच्‍छिनया देश नेगेव, पच्‍छिमया फेदी, पुर्बया पाःचा व अनयापिं फुक्‍क जुजुपिन्‍त बुकल। वं छम्‍हय्‌सित नं म्‍वाःका मतः। परमप्रभु इस्राएलया परमेश्‍वरं आज्ञा बियादीगु थें वं अन दुपिं फुक्‍कसित भज्‍यंक नाश यानाबिल।

व्‍यवस्‍था 20:16

छिमित परमप्रभु छिमि परमेश्‍वरं सर्बयकथं बियादीगु थुपिं जातिया शहर शहरय् च्‍वनिपिं धाःसा सुं छम्‍हय्‌सित नं म्‍वाकातये मते।

व्‍यवस्‍था 7:2

परमप्रभु छिमि परमेश्‍वरं इमित छिमिगु ल्‍हातय् बियादिल, छिमिसं इमित बुकीबलय् छिमिसं इमित भज्‍यंक नाश यानाब्‍यु। इपिंलिसें सन्‍धि याये मते। अले इमित माया याये मते।

व्‍यवस्‍था 3:7

अय्‌नं फुक्‍क पशुत व शहरय्‌ लुतय्‌ यानागु धनसम्‍पत्ति झीसं थःगु निंतिं कया।

यहोशू 6:21

इमिसं शहर परमप्रभुयात देछाल, अले व शहरय् दुपिं मिसा, मिजं, ल्‍याय्‌म्‍ह, बुरा व सा द्वहं, फै व गधा फुक्‍कसित तरवारं नाश यानाबिल।

यहोशू 6:24

अले इमिसं व शहर व अन दुने दुगु फुक्‍क मिं छ्वय्‌काबिल। लुँ, वहः, कँय् व नयागु थलबल धाःसा इमिसं परमप्रभुयागु धुकुतिइ तल।