यहोशू 10:25 - नेवाः बाइबल

²⁵ यहोशूं इमित धाल, “ग्‍याये मते, नुगः क्‍वतुंके मते। बल्‍ला व साहसी जु, छाय्‌धाःसा छिमिसं ल्‍वाय्‌माःपिं छिमि शत्रुत फुक्‍कसित परमप्रभुं थथे हे यानादी।”

यहोशू 10:25 Referans Kwoze

२ कोरिन्‍थी 1:10

अथे सी हे धुंकूपिं जिमित परमेश्‍वरं बचय् यानादिल, थथे हे लिपा तक नं बचय् यानातयादी। वय्‌कलं हानं हानं जिमित बचय् यानातयादी धकाः वय्‌कःयाके जिमिसं आशा तयाच्‍वना।

यहोशू 1:9

जिं छन्‍त आज्ञा बियागु, मखु ला? बल्‍ला व साहसी जु! ग्‍याये मते, नुगः क्‍वतुंके मते, छाय्‌धाःसा छ न्‍ह्याथाय् वंसां परमप्रभु छिमि परमेश्‍वर छनापं दइ।”

एफिसी 6:10

पौ क्‍वचाय्‌के न्‍ह्यः जिं छिमित धाये – प्रभुयात विश्‍वास यानाः छिपिं वय्‌कःयागु शक्तिं बल्‍लाना च्‍वँ।

रोमी 8:37

अय्‌नं झीसं दुःखकष्‍ट सी माःसां झीत माया यानादीम्‍हय्‌सिनं यानाः झीपिं त्‍याका वःपिं स्‍वयाः नं तःधंपिं खः।

१ शमूएल 17:37

सिंह व भालूपाखें बचय् यानादीम्‍ह परमप्रभुं थ्‍व पलिश्‍तीयागु ल्‍हातं नं जितः बचय् यानादी।” शाऊलं धाल, “अथे खःसा छ हुँ, अले परमप्रभु छनापं दीमा।”

व्‍यवस्‍था 7:19

छिमिसं अन हे थःगु मिखां ग्‍यानापुसे च्‍वंगु महामारी खनाः अले परमप्रभु छिमि परमेश्‍वरं अजू चाइपुगु चिं व ज्‍या यानाः थःगु बल्‍लाःगु ल्‍हाः व चकंगु लप्‍पूं छिमित पित हयादीगु दु। छिमित ख्‍याइपिं छिमि शत्रुतय्‌त नं परमप्रभु छिमि परमेश्‍वरं अथे हे यानादी।

भजनसंग्रहया सफू 77:11

अले जिं छिं यानादीगु फुक्‍क खँ लुमंका, हे परमप्रभु। छिं न्‍हापा यानादीगु अजू चायापुगु ज्‍या लुमंका।

भजनसंग्रहया सफू 63:9

जितः स्‍यायेत स्‍वयाच्‍वंपिं नाश जुयावनी। इपिं पातालय् कुतुं वनी।

यहोशू 10:8

परमप्रभुं यहोशूयात धयादिल, “इपिं खनाः ग्‍याये मते, छाय्‌धाःसा जिं इमित छंगु ल्‍हातय् बियागु दु। इपिं मध्‍ये सुं छम्‍ह नं छंगु न्‍ह्यःने दने फइ मखु।”

यहोशू 1:6

बल्‍ला व साहसी जु! छाय्‌धाःसा जिं इमि पुर्खातय्‌त बी धकाः पाफयागु देश इमिगु अधिकारय् हयेत छ हे इमि न्‍ह्यलुवाः जुइ।