यहोशू 10:2 - नेवाः बाइबल

² जुजु व वया मनूत तसकं ग्‍यात, छाय्‌धाःसा गिबोन छगू राजधानी शहर ति हे तःधं, व शहर ऐ स्‍वयाः तःधं व अनयापिं मनूत बांलाक ल्‍वायेसःपिं मनूत खः।

यहोशू 10:2 Referans Kwoze

व्‍यवस्‍था 11:25

छिमिगु न्‍ह्यःने सुं नं दनाच्‍वने फइ मखु। परमप्रभु छिमि परमेश्‍वरं बचं बियादीगुकथं छिपिं वंगु दक्‍व थासय्‌यापिं मनूतय्‌गु नुगलय् छिमिगु ग्‍याःभय तयादी।

यहोशू 2:24

इमिसं यहोशूयात धाल, “धात्‍थें हे परमप्रभुं व फुक्‍क देश झीगु ल्‍हातय् बियादीगु दु। व देशयापिं सकलें मनूत झीपिं खनाः थुरथुर खानाच्‍वंगु दु।”

हिब्रू 10:31

म्‍वाःम्‍ह परमेश्‍वरया ल्‍हातिइ लायेगु तसकं ग्‍यानापुगु खँ खः।

हिब्रू 10:27

थुकिया पलेसा पाप याःम्‍हय्‌सिनं परमेश्‍वरयागु सजाँय फयेमाली। व सजाँयया मिं परमेश्‍वरया विरोधीतय्‌त भस्‍म यानाबी।

हितोपदेश 10:24

धर्मीतय्‌सं मनंतुंगु खँ पूवनी, दुष्‍टत छु खँय् ग्‍याइगु खः, व हे इमित जुइ।

२ शमूएल 12:26

थुबलय् हे योआबं अम्‍मोनीतय्‌गु शहर रब्‍बायात हमला यानाः जुजुया किल्‍ला त्‍याका काल।

१ शमूएल 27:5

दाऊदं आकीशयात धाल, “छिसं थः दासयात यय्‌कागु दु धइगु खःसा छिगु देशय् जिपिं च्‍वनेत छगू शहर बियादिसँ। छाय् जि छिकपिनि दास राजधानीइ छिनापं च्‍वनेगु?”

व्‍यवस्‍था 28:10

अले पृथ्‍वीयापिं सकलें मनूतय्‌सं छिमित परमप्रभुयापिं मनूत खः धकाः सियाः छिपिं खनाः ग्‍याइ।

यहोशू 9:3

गिबोनयापिं मनूतय्‌सं धाःसा यहोशूं यरीहो व ऐयात छु याःगु खः व न्‍यने धुंकाः

व्‍यवस्‍था 2:25

थनिंनिसें आकाशया क्‍वय् दुपिं सकलें जातितय्‌गु मनय् छिमिगु ग्‍याःचिकु तयाबी। छिमिगु खँ न्‍यनाः इपिं थुरथुर खाइ अले इमिगु नुगः भाराभारा मिनी।”

यहोशू 9:24

अले इमिसं यहोशूयात लिसः बिल, “परमप्रभु छिकपिनि परमेश्‍वरं थः दास मोशायात थ्‍व देश फुक्‍क छिकपिन्‍त बीगु व थ्‍व देशयापिं फुक्‍क मनूतय्‌त नाश यायेगु उजं बियादीगु खँ जिमित धाःगु दु। छिकपिं खनाः जिपिं तसकं ग्‍यात। उकिं जिमिसं थथे यानागु खः।