यहोशू 10:19 - नेवाः बाइबल

¹⁹ तर छिपिं दी मते, छिमि शत्रुतय्‌त लिना हे च्‍वँ, इमि ल्‍युने लाःपिन्‍त स्‍यानाछ्व। इमित थथःगु शहरय् दुहां वनेबी मते। छाय्‌धाःसा परमप्रभु छिमि परमेश्‍वरं इमित छिमिगु ल्‍हातय् बियादीगु दु।”

यहोशू 10:19 Referans Kwoze

यर्मिया 48:10

“अल्‍छी चाचां परमप्रभुया ज्‍या याइम्‍ह मनूयात सराः लायेमा! थःगु तरवारयात हि बाः वय्‌के मब्‍यूम्‍ह मनूयात सराः लायेमा!

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

२ शमूएल 20:6

दाऊदं अबीशैयात धाल, “बिक्रीया काय् शेबां झीत अब्‍शालोमं स्‍वयाः नं अप्‍वः दुःख बी थें च्‍वं। छं जि सिपाइँत ब्‍वना यंकाः वयात लिनायंकी मखुसा व पखाः दुगु शहरय् थ्‍यन धाःसा व झीपाखें बिस्‍युं वनी।”

२ शमूएल 17:13

दाऊद छुं शहरय् शरण कयाच्‍वंगु जूसां फुक्‍क इस्राएलं व शहरयात खिपतं चिनाः जगय् छग्‍वः नं ल्‍वहं ल्‍यंमदय्‌कः लुयाः ब्‍यासिइ थ्‍यंकाबी।”

यहोशू 10:20

यहोशू व इस्राएलीतय्‌सं इमित नाश याःबलय् इमि बचय्‌ जूपिं छुं मनूत जक पखाः दुगु थथःगु शहरय् दुहां वन।

यहोशू 10:18

वं धाल, “ततःग्‍वःगु ल्‍वहंत ग्‍वारातुइकाः गुफाया म्‍हुतुइ तयाब्‍यु, अले इमित पिया च्‍वनेत छुं मनूतय्‌त उकिया न्‍ह्यःने ति।