यहोशू 1:8 - नेवाः बाइबल

⁸ व्‍यवस्‍थाया थ्‍व सफू छंगु म्‍हुतुं चिलामवनेमाः। चान्‍हि उकी ध्‍यान ब्‍यु! अले उकी च्‍वयातःगु फुक्‍क खँ बांलाक मानय् या। अले छंगु भिं जुइ अले छ ताःलाइ।

यहोशू 1:8 Referans Kwoze

भजनसंग्रहया सफू 119:15

छिगु उपदेशय् जिं ध्‍यान याये, अले छिं स्‍यनादीगु खँय् बिचाः याये।

भजनसंग्रहया सफू 19:14

हे परमप्रभु! जितः बचय् यानादीम्‍ह, जितः शरण बीम्‍ह! जिगु म्‍हुतुं पिहांवइगु खँग्‍वः व जिगु नुगःया प्रार्थना छितः ययेमा!

कलस्‍सी 3:16

ख्रीष्‍टयागु वचनं छिमिगु नुगः जायाच्‍वनेमा। छिमिसं थःथवय् स्‍यनेकने यानाः दुनुगलंनिसें भजन व म्‍ये हालाः परमेश्‍वरयात तःधंकि।

हितोपदेश 3:1

हे जिकाय्! जिं स्‍यनागु खँ गुबलें नं ल्‍वःमंके मते। जिगु उजं नुगलय् स्‍वचाका ति।

व्‍यवस्‍था 29:9

अथे जुयाः थ्‍व बाचाया वचन बांलाक मानय् या अले छिमिसं न्‍ह्यागु याःसां छिमित बांलाइ।

यूहन्‍ना 14:21

जिगु आज्ञा न्‍यनाः मानय् याःम्‍हय्‌सिनं जितः माया याइ। जितः माया याःम्‍हय्‌सित बाःनं नं माया यानादी। जिं नं वयात माया याये, अले जिं हे वयात सु खः धकाः क्‍यनाबी।”

लूका 11:28

अले वय्‌कलं लिसः बियादिल – “अथे मखु, परमेश्‍वरयागु वचन न्‍यनाः व थें याइम्‍ह हे धन्‍यम्‍ह खः।”

मत्ती 7:24

“अय्‌जूगुलिं जिगु वचन न्‍यनाः उकथं हे याइम्‍ह मनू ल्‍वहं दुथाय् छेँ दनीम्‍ह बुद्धि दुम्‍ह मनू थें खः।

भजनसंग्रहया सफू 119:11

छिगु विरोधय् पाप याये म्‍वालेमा धकाः छिगु बचं जिं थःगु नुगलय् तया तयागु दु।

भजनसंग्रहया सफू 119:97

छिगु स्‍यनातःगु खँयात जिं गुलि माया याना! न्‍हिच्‍छि हे जिगु ध्‍यान उकी हे वनाच्‍वनी।

मत्ती 7:21

“जितः ‘प्रभु, प्रभु’ जक धयाजुइपिं मनूत परमेश्‍वरयागु राज्‍यय् दुहां वने फइ मखु। स्‍वर्गय् च्‍वनादीम्‍ह जिमि बाःयात लय्‌तायेक ज्‍या याना जूपिं जक वय्‌कःयागु राज्‍यय् दुहां वने फइ।

यूहन्‍ना 13:17

थ्‍व खँ छिमिसं सीकाः यात धाःसा छिपिं धन्‍यपिं जुइ।

यहोशू 1:7

“बल्‍ला व तसकं साहसी जु! जिम्‍ह दास मोशां छन्‍त ब्‍यूगु फुक्‍क व्‍यवस्‍था बांलाक मानय् या। उकिं जवय् खवय् फस्‍वये मते! अले छ न्‍ह्याथाय् वंसां अन ताःलाइ।

व्‍यवस्‍था 30:14

मखु, छिमिसं मानय् यायेत थ्‍व वचन छिमिगु न्‍ह्यःने हे दु, छिमिगु म्‍हुतुइ हे अले छिमिगु नुगलय् हे दु।

व्‍यवस्‍था 5:29

जिगु भय काइगु व न्‍ह्याबलें जिगु आज्ञा मानय् याइगु इमिगु मन जूगु जूसा इपिं व इमि सन्‍तानतय्‌गु न्‍ह्याबलें भिं जुइ।

भजनसंग्रहया सफू 119:99

जिमि गुरुत स्‍वयाः यक्‍व जिं थु, छाय्‌धाःसा जिं छिगु नियमय् ध्‍यान बिया।

यशैया 59:21

परमप्रभुं धयादी, “जिगु खँय् धाःसा, जिगु बाचा छिमिगु निंतिं थ्‍व हे जुइ। जिगु आत्‍मा छंके दु व चिलावनी मखु, अले जिगु वचन जिं छंगु म्‍हुतुइ तयाबियागु दु। उपिं छंगु म्‍हुतुइ व छिमि काय् म्‍ह्याय्‌पिनिगु म्‍हुतुइ व छिमि सन्‍तानतय् म्‍हुतुइ थनिंनिसें सदांया निंतिं दयाच्‍वनी।” परमप्रभुं घोषणा यानादी।

व्‍यवस्‍था 5:32

अथे जुयाः परमप्रभु छिमि परमेश्‍वरया आज्ञाकथं जुइत लुमंका ति। छिपिं जव खवं गन नं वने मते।

व्‍यवस्‍था 31:11

वय्‌कलं ल्‍ययादीगु थासय् परमप्रभु छिमि परमेश्‍वरया न्‍ह्यःने सकल इस्राएलीत मुनीबलय् इपिं फुक्‍कसिनं ताय्‌क छिमिसं थ्‍व व्‍यवस्‍था ब्‍वनेगु या।

एफिसी 4:29

छिमिगु म्‍हुतुं बांमलाःगु खँ पिहां मवयेमा। माःगु, भिंगु व ज्‍यूगु जक खँ ल्‍हाना जु। अले न्‍यनीपिन्‍त नं न्‍ह्याइपुसे च्‍वनी।

मत्ती 12:35

भिंम्‍ह मनूया मतिइ भिंगु हे दइगुलिं वं भिंगु भिंगु हे याइ। अथे हे मभिंम्‍ह मनूया मतिइ मभिंगु हे दइगुलिं वं मभिंगु मभिंगु जक याइ।”

भजनसंग्रहया सफू 40:10

जिं छिं बचय् यानादीगु भिंगु खँ जिगु नुगलय् जक सुचुका मतया। जिं न्‍ह्याबलें छि विश्‍वास याये बहःम्‍ह व मुक्ति बीम्‍ह खः धकाः कनाजुयागु दु। तःधंगु सभाय् नं जिं छिगु सदां दयाच्‍वनीगु दया माया व छि विश्‍वास याये बहःम्‍ह खः धयागु खँ कनाजुयागु दु।

मत्ती 28:20

अले जिं स्‍यना थें छिमिसं इमित स्‍यनेकने यानाः फुक्‍कं खँ मानय् याकि। न्‍यँ, संसार फुना मवंतले जि छिपिंनाप हे दइ।”

प्रकाश 22:14

थथःगु वसः हियाः यचुसे च्‍वंक च्‍वना च्‍वनीपिं धन्‍यपिं खः। जीवनयागु सिमाय् सःगु फल इमिसं नयेखनी, अले इपिं ध्‍वाखां दुने शहरय् नं वने खनी।

उत्‍पत्ति 24:63

छन्‍हु सन्‍ध्‍याकाः ई पाखे इसहाक ध्‍यान यायेत ख्‍यलय् पाखे वनाच्‍वंबलय् वं ऊँटत वयाच्‍वंगु खन।

व्‍यवस्‍था 31:24

मोशां थ्‍व व्‍यवस्‍थाया वचन शुरुंनिसें लिपा थ्‍यंक च्‍वयेधुंकाः

यहोशू 8:34

अनंलि यहोशूं व्‍यवस्‍थाया फुक्‍क खँग्‍वः, सुवाः व सराः, व्‍यवस्‍थाया सफुलिइ गथे च्‍वयातःगु खः छतिं मपाक ब्‍वन।

व्‍यवस्‍था 5:1

मोशां सकलें इस्राएलीतय्‌त सःताः धाल, हे इस्राएल, थौं जिं छिमित कनेत्‍यनागु विधि व नियम न्‍यँ! उपिं सय्‌काः बांलाक मानय् या!

व्‍यवस्‍था 29:8

अले झीसं इमिगु देश कयाः सर्बयकथं रूबेनी, गादी व मनश्‍शेया बच्‍छि कुलयात इनाबिया।

२ इतिहास 26:5

वं थःत परमेश्‍वरयागु भय कायेगु स्‍यनेकने याइम्‍ह जकरिया म्‍वातले परमेश्‍वरयात मालाजुल। परमप्रभुयात माला च्‍वंतले परमेश्‍वरं वयात ताःलाकादिल।