यहोशू 1:13 - नेवाः बाइबल

¹³ “परमप्रभु छिमि परमेश्‍वरं छिमित आराम बियादी अले छिमित थ्‍व देश बियादीगु दु धकाः परमप्रभुया दास मोशां छिमित ब्‍यूगु आज्ञा लुमंकी।

यहोशू 1:13 Referans Kwoze

यहोशू 1:14

‘छिमि कलाःपिं, मचाखाचा व सा द्वहं मोशां छिमित यर्दनया पुर्बपाखे ब्‍यूगु देशय् च्‍वने फइ। लडाइँ याइपिं मिजंत धाःसा मेपिं इस्रएलीतय्‌त ग्‍वाहालि यायेत ल्‍वाभः ज्‍वनाः इमिगु न्‍ह्यः न्‍ह्यः पारि वनेमाः।

यहोशू 21:44

परमप्रभुं इमि पुर्खातलिसें पाफयादीगु थें वय्‌कलं देशय् न्‍यंक इमित आराम बियादिल। इमि छम्‍ह नं शत्रु इमि न्‍ह्यःने दने मफुत छाय्‌धाःसा परमप्रभुं इस्राएलीतय्‌गु ल्‍हातय् इमि फुक्‍क शत्रुत लःल्‍हानादिल।

यर्मिया 31:2

परमप्रभुं थथे धयादी, “तरवारं बचय्‌जूपिं मनूतय्‌त मरुभूमिइ दयामाया दइ। जि इस्राएलयापिं मनूतय्‌त आराम बीत वये।”