योना 3:3 - नेवाः बाइबल

³ योनां परमप्रभुयागु आज्ञा मानय् यात, अले निनवेय् वन। निनवे तसकं तःधंगु शहर खः। थ्‍व शहर छगुलिं चाःहिलेत स्‍वन्‍हु ब्‍यू।

योना 3:3 Referans Kwoze

भजनसंग्रहया सफू 80:10

जिमिगु किचलं गुँत त्‍वपुल, जिमिगु कचां ततःमागु देवदारुया सिमात नं त्‍वपुल।

उत्‍पत्ति 22:3

कन्‍हय् खुन्‍हु सुथ न्‍हापां दनाः अब्राहामं मि च्‍याकेत सिँ फाल, गधाया म्‍हय् काठी चित। अले थःकाय् इसहाक व निम्‍ह दासयात ज्‍वनाः परमेश्‍वरं धयादी पाखे वन।

भजनसंग्रहया सफू 36:6

छि धर्मीम्‍ह खः धयागु खँ पहाड थें धिसिलाः, छिगु न्‍याय समुद्र थें तःजाः। छिं मनू व पशुतय्‌गु बिचाः यानादी।

उत्‍पत्ति 30:8

अले राहेलं धाल, “जिं जिमि ततालिसे तसकं थाकुक ल्‍वानाः त्‍याकागु दु।” उकिं वं वयागु नां नप्‍ताली तल।

२ तिमोथी 4:11

लूका जक जि नाप दु। मर्कूसयात मालाः छनापं ब्‍वना हजि। वं जिगु ज्‍याय् यक्‍व हे ग्‍वाहालि बी।

यशैया 37:37

उकिं अश्‍शूरयाम्‍ह जुजु सनहेरीबं छाउनी स्‍यंकाः निनवेय् लिहां वन। व वनाः अन हे च्‍वन।

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

योना 4:11

धासेंलि अपाय्‌मछि तःधंगु छगू लाख व निइद्वलं मयाक छुं मस्‍यूपिं मस्‍त व अल्‍याख पशु दुगु निनवे शहर खनाः जि नुगः मछिं मजुइ ला?”