योना 1:4 - नेवाः बाइबल

⁴ अय्‌नं परमप्रभुं समुद्रय् तःधंगु वाफय् वय्‌कादिल। थ्‍व वाफसं यानाः जहाज हे स्‍यनी थें च्‍वन।

योना 1:4 Referans Kwoze

आमोस 4:13

पर्वतत दय्‌कादीम्‍ह व फय्‌यात सृष्‍टि यानादीम्‍ह परमेश्‍वर हे खः। वय्‌कलं मनूतय्‌त थःगु बिचाः सीकेबी। वय्‌कलं न्‍हियात चा यानादी, अले पृथ्‍वीया ततःजाःगु थासय् न्‍यासि झायादी। दक्‍व शक्ति दुम्‍ह परमप्रभु परमेश्‍वर वय्‌कःया हे नां खः।

भजनसंग्रहया सफू 135:7

वय्‌कलं पृथ्‍वीया कुन्‍चां सुपाँय् थकयादी, वानापं हाबलासा छ्वयाहयादी, अले थःगु धुकुतिं फय् पिकयादी।

प्रस्‍थान 10:19

अले परमप्रभुं फय्‌यात हीकाः पच्‍छिमं तसकं फय् वय्‌कादिल। व फसं दक्‍व क्‍वःबुइँचातय्‌त लाल समुद्रय् ब्‍वय्‌का यंकल। अले मिश्रया गनं हे छम्‍ह हे क्‍वःबुइँचा ल्‍यं मन्‍त।

गन्‍ती 11:31

अले परमप्रभुं फय् वय्‌कादिल। थुकिं समुद्रं ख्‍वांय्‌झंगःतय्‌त पुइकाहल। इपिं छाउनीया छचाःखेरं न्‍हिच्‍छि न्‍यासि वनेमाःगु लागा तक बँय् ३ फिट तजाः जुइक च्‍वंवल।

प्रस्‍थान 15:10

अय्‌नं छिं थःगु सासलं इमित पुइके छ्वयादिल अले समुद्रं इमित त्‍वपुल, लःयागु तःधंगु किसिद्वम्‍बलय् म्‍हः थें इपिं दुनावन।

प्रस्‍थान 14:21

अले मोशां थःगु ल्‍हाः समुद्रया च्‍वय्‌पाखे न्‍ह्यज्‍याकल। परमप्रभुं चच्‍छिं पुर्बं तसकं फय् वय्‌काः समुद्रय् गंगु बँ दय्‌कादिल। समुद्र निब्‍व जुल।

प्रस्‍थान 10:13

मोशां थःगु कथियात मिश्रया च्‍वय् ल्‍ह्वन। अले परमप्रभुं उखुन्‍हु न्‍हिच्‍छि व चच्‍छि देय्‌न्‍यंक पुर्बं फय् वय्‌कादिल। कन्‍हय् सुथय् व फसं क्‍वःबुइँचात हल।

भजनसंग्रहया सफू 135:6

परमप्रभुं छु छु याये मास्‍ति वय्‌कादिल, वय्‌कलं स्‍वर्ग, पृथ्‍वी अले समुद्रयागु फुक्‍क ततःजाःगु थासय् यानादी।

यर्मिया 51:16

वय्‌कः थ्‍वय्‌क हालादीबलय् आकाशय् लः गड्याङ गुडयाङ याइगु, वय्‌कलं पृथ्‍वीया तापाःगु थासं सुपाँय् थकयादी। वय्‌कलं वानापं हाबलासा त्‍वय्‌कादी। थःगु धुकुतिं फय् वय्‌कादी।

भजनसंग्रहया सफू 148:8

हे हाबलासा व प्‍वँ, च्‍वापु व सुपाँय्, वय्‌कःया वचन मानय् याइगु वानापं वइगु वाफय्।