यर्मिया 9:8 - नेवाः बाइबल

⁸ इमिसं मखुगु खँ ल्‍हाइगु। सकसिनं थःगु म्‍हुतुं ला थः जःलाखःलानापं नाइक खँ ल्‍हाइगु, नुगलं धाःसा मभिंगु जाः ग्‍वयाच्‍वनी।

यर्मिया 9:8 Referans Kwoze

भजनसंग्रहया सफू 28:3

मभिंगु ज्‍या याइपिं दुष्‍टतलिसें जितः सजाँय बियादी मते। इमिसं म्‍हुतुं ला थः जःलाखःलापिंलिसे नाइक खँ ल्‍हाइ, इमिगु नुगलं धाःसा मभिंगु जाः ग्‍वयाच्‍वनी।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

भजनसंग्रहया सफू 120:3

अय् फताहा, परमेश्‍वरं छन्‍त छु यानादी? छन्‍त मेगु अप्‍वः छु यानादी?

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

भजनसंग्रहया सफू 55:21

वयागु सः घ्‍यः थें पिचुसे च्‍वं, नुगः धाःसा ल्‍वापुं जाः वयागु खँ घ्‍यः थें नाइसे च्‍वं, तरवार स्‍वयाः ज्‍वः।

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

यर्मिया 9:5

पासां थः पासायात झंगः लानाजुइगु, सुनानं खःगु खँ मल्‍हाः। इमिसं थःगु मेचां न्‍ह्याबलें मखुगु खँ ल्‍हानाजुइगु। इपिं पाप यायां त्‍यानुचाये धुंकल।

यर्मिया 5:26

“जिमि मनूतय् दथुइ मभिंपिं मनूत च्‍वनाच्‍वंगु दु। इपिं झंगःपन्छित लायेत जाः ह्वलाच्‍वंपिं मनूत थें पियाच्‍वनी तर इमिसं मनूतय्‌त लायेत थःगु जाः ह्वलाच्‍वंगु दु।

भजनसंग्रहया सफू 64:8

इमिगु थःपिनिगु हे खं इपिं नाश जुइ। इमित खंपिं सकसिनं छ्यं फस्‍वकाः वनी।

भजनसंग्रहया सफू 35:20

इमिसं मिलय्‌चलय् जुयाच्‍वनेगु ला खँ हे ल्‍हाइ मखु। बरु मिलय्‌चलय् जुयाच्‍वंपिनिगु विरोधय् मखुगु मखुगु खँ ल्‍हाना जुइ।

हितोपदेश 25:18

थः पासायात मखुगु पाःयायेगु धयागु वयात तरवारं पालेगु थें खः, भालां सुइगु थें खः, अले वाणं कय्‌केगु थें खः।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।

भजनसंग्रहया सफू 12:3

परमप्रभु, पिचुगु मे फुक्‍क ध्‍यनाबियादिसँ, अले तःधंछुया जुइगु म्‍हुतुप्‍वाः तिनाबियादिसँ।

भजनसंग्रहया सफू 62:5

हे जिगु मन, परमेश्‍वरयाके जक झासु लंकि। छाय्‌धाःसा जिं परमेश्‍वरपाखें हे जक आशा यानागु दु।

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।