यर्मिया 9:11 - नेवाः बाइबल

¹¹ परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

यर्मिया 9:11 Referans Kwoze

यशैया 25:2

छिं शहरत नाश यानादीगु दु अले इमिगु किल्‍लात नं नाश यानादीगु दु। शत्रुतय्‌सं दय्‌कूगु जुजुया दरबारत नं नाश यानादीगु दु, उपिं हाकनं गुबलें नं दय्‌की मखुत।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 10:22

न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

यशैया 34:13

उकिया किल्‍लाया च्‍वय् कंमा अले किल्‍लाय् न्‍हाय्‌कंमा व झाःत बुया वइ। व ध्‍वंचात च्‍वनेगु थाय् व न्‍हिकांझंगःत च्‍वनेगु छेँ जुइ।

यशैया 13:22

अनयागु किल्‍ला व दरबारय् ध्‍वंचातय्‌सं व फ्‍याकाधोंतय्‌सं थ्‍वय्‌कः हाःगु सः ताये दइ। बेबिलोनया ई लिक्‍क वःगु दु, वयागु ई आः अप्‍वः मन्‍त।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

विलाप 3:47

जिपिं भय व थुरथुर खाखां म्‍वानाच्‍वना, भज्‍यंक स्‍यंकीगु जिमिथाय् वयाच्‍वंगु दु।”

विलाप 2:2

परमप्रभुं छप्‍तिं हे दयामाया मयासें यहूदाया फुक्‍क बस्‍तीत नुनाछ्वयादिल। थःगु तम्‍वय् वय्‌कलं यहूदाया म्‍ह्याय्‌या किल्‍लात थुनादिल। वय्‌कलं व राज्‍य व वया शासकतय्‌त बँय् क्‍वथलाः क्‍वह्यंकादिल।

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 25:11

थ्‍व फुक्‍क देश झिजांमिजां दनी अले सुनसान जुइ। थ्‍व फुक्‍क जातिं न्‍हयेदँ तक बेबिलोनयाम्‍ह जुजुया सेवा याइ।

भजनसंग्रहया सफू 79:1

हे परमेश्‍वर, पिनें वःपिन्‍सं छिगु सर्बय त्‍याका काल। इमिसं छिगु पवित्र देगःयात अशुद्ध यानाबिल। इमिसं यरूशलेमयात नाश यानाथकल।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

मीका 1:6

“अथे जुयाः जिं सामरियायात ल्‍वहंया कुचाकाचाया द्वँ दय्‌काबी, अले दाखया क्‍यब दय्‌काबी। जिं उकिया ल्‍वहंत ब्‍यासिइ वांछ्वयाबी। अले उकिया जग प्‍वलाबी।

यर्मिया 26:9

थ्‍व देगः शीलो थें जुइ, अले थ्‍व शहर नाश जुइ अले थन सुं मनू च्‍वनी मखु व धकाः छाय् छं परमप्रभुया नामय् अगमवाणी ल्‍हानागु?” अले फुक्‍क मनूत परमप्रभुया देगलय् यर्मियाया प्‍यखेरं मुंवल।

यर्मिया 25:18

जि यरूशलेम व यहूदाया मेमेगु शहरय् वना अले अन च्‍वंपिं मनूत, जुजुपिं व हाकिमतय्‌त व त्‍वंके बिया। उबलय् निसें थौं तक उपिं शहरत झिजांमिजां दंगु मरुभूमिइ थें जुया हे च्‍वंगु दु, उपिं शहरत खनाः मनूत ग्‍याइगु अले उपिं शहरतय्‌त तसकं मय्‌कीगु। थौं तक मनूतय्‌सं इमिगु नां कयाः सराः बियेगु यानावयाच्‍वंगु दु।

यशैया 44:26

गुम्‍हय्‌सिनं थः अगमवक्तायागु वचनयात पूवंकादी, अले जूवइतिनिगु खँ धाइम्‍ह थः दूततय्‌गु खँ पूवंकी, “गुम्‍हय्‌सिनं यरूशलेमया बारे धाइ, ‘व शहरय् हाकनं मनूत च्‍वनी’, गुम्‍हय्‌सिनं यहूदाया शहरया बारे धाइ, ‘उपिं हाकनं दय्‌कीगु जुइ’ गुम्‍हय्‌सिनं भज्‍यंक स्‍यंकूगु थाय्‌या बारे धाइ, ‘उपिं हाकनं दय्‌कीगु जुइ’

नहेम्‍याह 4:2

थःनापं ज्‍या याइपिं व सामरियाया सेना न्‍ह्यःने थथे धाल, “थुपिं बमलाःपिं यहूदीतय्‌सं छु यानाच्‍वंगु? छु थुमिसं थःगु पखाः हाकनं दय्‌कीगु ला? छु थुमिसं बां बीगु ला? छु थुमिसं थ्‍व ज्‍या छन्‍हुं हे सिधय्‌की ला? छु थुमिसं चाया द्वंयागु थुपिं मिं नःगु ल्‍वहँतय्‌त नं हाकनं न्‍हूगुकथं दय्‌कीगु ला?”

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

लेवी 26:32

जिं देशयात नाश यानाबी। थ्‍व फुक्‍क खनाः अन च्‍वंवंपिं छिमि शत्रुत अजू चाइ।

भजनसंग्रहया सफू 44:19

अय्‌नं छिं जिमित ध्‍वंचातय्‌थाय् त्‍वःतादिल। छिं जिमित तसकं खिउँथाय् वानाथकादिल।

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यर्मिया 4:27

परमप्रभुं थथे धयादी, “देश फुक्‍क झिजांमिजां दनी। तर उकियात भज्‍यंक नाश धाःसा याये मखुत।

यर्मिया 44:2

“दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – यरूशलेम व यहूदाया फुक्‍क शहरय् जिं हयागु फुक्‍क विपत्ति ला छिमिसं खंगु हे दु। थौं व झिजांमिजां दंगु सुनसान थाय् जूगु दु, अन सुं नं मच्‍वं।

यर्मिया 49:33

“हासोर सदांया निंतिं सुनसान जुइ, अन ध्‍वंचात जक च्‍वनी। सुं मनू अन च्‍वनी मखु, सुं मनू अन च्‍वनाच्‍वने फइ मखु,”

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

विलाप 1:4

सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

भजनसंग्रहया सफू 107:43

बुद्धि दुपिन्‍सं थ्‍व खँय् च्‍यूताः तयेमा। इमिसं परमप्रभुया सदां दयाच्‍वनीगु दया मायाया बारे बिचाः यायेमा।

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

यर्मिया 16:10

“छं थ्‍व जातिया मनूतय्‌त थ्‍व फुक्‍क खँ धाइबलय् इमिसं छन्‍त थथे धकाः न्‍यनी, ‘छाय् परमप्रभुं झीत थथे बांमलाक सजाँय बीगु फैसला यानादीगु? झीसं छु द्वंकागु दु? झीसं परमप्रभु परमेश्‍वरया विरोधय् छु पाप यानागु दु?’