यर्मिया 8:9 - नेवाः बाइबल

⁹ बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

यर्मिया 8:9 Referans Kwoze

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

अय्‍यूब 5:12

धूर्ततय्‌गु ग्‍वसाःयात वय्‌कलं स्‍यंकादी, अले इपिं ताःलाइ मखु।

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

यशैया 19:11

सोअन शहरया हाकिमत तसकं मूर्खपिं खः। मिश्रय् दक्‍वसिबय् बुद्धि दुपिन्‍सं मभिंगु सल्‍लाह बी। छिमिसं गुकथं धायेफत फारोयात, “जि बुद्धि दुम्‍ह मनूत मध्‍ये छम्‍ह खः, तसकं पुलांपिं जुजुपिनि छम्‍ह चेला खः?”

भजनसंग्रहया सफू 19:7

परमप्रभुया स्‍यनातःगु खँ पक्‍का खः, थुकिं झीत न्‍हूगु बल बी। वय्‌कःयागु नियम विश्‍वास यायेबहः जू, थुकिं छुं मस्‍यूपिन्‍त ज्ञां बी।

व्‍यवस्‍था 4:6

छिमिसं परमप्रभुं धाःथें यात धाःसा मेगु जातितय्‌त छिमिगु बुद्धि व छिमिसं खँ थूगु क्‍यनी। अले इमिसं थुपिं आज्ञा न्‍यनाः धाइ, “धात्‍थें हे थ्‍व तःधं जातियापिं मनूत बुद्धि दुपिं व खँ थूपिं खः।”

२ तिमोथी 3:15

मचांनिसें हे छं धर्मशास्‍त्रयागु खँ सीकातःगु दु। थुकिं हे छन्‍त ख्रीष्‍ट येशूयात विश्‍वास यानाः दइगु मुक्तियागु खँ थुइके फय्‌का बी।

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

यर्मिया 49:7

एदोमया बारे– दक्‍व शक्ति दुम्‍ह परमप्रभुं थथे धयादी, “छु! तेमानय् आः बुद्धि मन्‍त ला? छु! अनयापिं बुद्धिमानतय्‌गु सल्‍लाह नाश जुल ला? छु! इमिगु बुद्धि ध्‍वग्‍गिना वन ला?

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

२ राजा 17:15

इमिसं वय्‌कःया आज्ञा पालन मयात, वय्‌कलं इमि पुर्खातलिसें चिनादीगु बाचा व वय्‌कलं बियादीगु ख्‍याच्‍वःयात हेला यात। इपिं ज्‍यालगे मजूगु मूर्तितय्‌गु ल्‍यू वन, इपिं थः नं ज्‍यालगे मजूपिं जुल। इमिसं थः जःखः च्‍वंपिं जातितय्‌सं याःथें यात। खः ला, परमप्रभुं इमित “इमिसं याःथें छिमिसं याये मते धकाः आज्ञा बियादीगु खः।” परमप्रभुं याये मते धयादीगु ज्‍या हे इमिसं यात।

यशैया 29:14

अथे जुयाः जिं हाकनं छकः थ्‍व जातिया दथुइ तसकं अजू चायापुगु ज्‍या यानाः छक्‍क यानाबी, अले जिं ज्ञानीपिनिगु ज्ञानयात नाश यानाबी, अले बुद्धिमानतय्‌गु बुद्धियात ज्‍यालगय् मजुइकाबी।”

यर्मिया 15:6

छं जितः त्‍वःतूगु दु,” परमप्रभुं धयादी। “छ लिचिला वनाच्‍वंगु दु। उकिं जिं थःगु ल्‍हाः ल्‍ह्वनाः छन्‍त नाश याये, छाय्‌धाःसा जिगु तंयात सह यायां थाकय् जुल।

यर्मिया 19:7

“‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

आमोस 2:4

परमप्रभुं थथे धयादी – “यहूदाया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु। इमिसं परमप्रभुया व्‍यवस्‍थायात हेला यात, वय्‌कःया विधित पालन मयात। इमि पुर्खात ल्‍यूवंपिं द्यःतय्‌सं इमित मखुगु लँय् यंकल।

जकरिया 13:4

“उखुन्‍हु हे छम्‍ह छम्‍ह अगमवक्ता थःगु अगमवाणीया दर्शनं लज्‍या चाइ। अले ध्‍वंलाइम्‍ह अगमवक्तां फीगु सँयागु वसः फी मखु।

अय्‍यूब 5:13

वय्‌कलं बुद्धिमानतय्‌त इमिगु हे चलाखिइ ज्‍वनादी, अले धूर्ततय्‌गु योजनायात स्‍यंकादी।

यशैया 43:27

छिमि जातिया अबुं पापयात, अले छिमि थकालितय्‌सं जिगु विरोधय् विद्रोह यात।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।