यर्मिया 8:8 - नेवाः बाइबल

⁸ “‘छिमिसं गथे यानाः धाये फइ, “जिपिं बुद्धिमान खः, अले परमप्रभुयागु व्‍यवस्‍था जिमिके दु?” तर स्‍व, शास्‍त्रीतय्‌गु फताहा कलमं उकियात फताहा दय्‌कूगु दु।

यर्मिया 8:8 Referans Kwoze

यूहन्‍ना 9:41

वय्‌कलं इमित धयादिल – “छिकपिं कां जूगु जूसा पापी जुयादी मखुगु। अय्‌नं छिकपिन्‍सं ‘जिपिं कां मखु’ धकाः धाःगुलिं छिकपिन्‍के पाप दया हे च्‍वनी।”

रोमी 1:22

सःस्‍यूपिं बुद्धिमान खः धकाः धाधां हे इपिं छुं मस्‍यूपिं मूर्ख जुयाः वन।

मत्ती 15:6

वं थः मां बौयात हनाबना तये म्‍वाः।’ थुकथं छिमिसं थःपिनिगु थितिकुतिं यानाः परमेश्‍वरयागु वचनयात ज्‍यालगय् मजूगु यानाब्‍यूगु दु।

भजनसंग्रहया सफू 147:19

वय्‌कलं थःगु आज्ञा याकूबयात, अले थःगु नियम व विधि इस्राएलयात कनादीगु दु।

अय्‍यूब 12:20

वय्‌कलं विश्‍वास यायेबहःपिं सल्‍लाह बीपिनिगु सल्‍लाह यात सुम्‍क तयादी, अले थकालिपिनिगु दुग्‍यांयात लाकाकयादी।

होशे 8:12

जिं इमिगु निंतिं यक्‍व विधित जिगु व्‍यवस्‍थाय् च्‍वया, तर इमिसं उपिं विधियात मेपिनिगु चिज थें ताय्‌कल।

हितोपदेश 17:6

छय्-छुइपिं बुराबुरितय्‌गु मुकुट खः, अले मांबौ मस्‍तय्‌गु न्‍हाय् खः।

अय्‍यूब 11:12

गथे गुँ गधाया मचा मनू जुयाः जन्‍म जुइ फइ मखु अथे हे मूर्खम्‍ह मनू बुद्धिमान जुइ फइ मखु।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 19:7

“‘थ्‍व हे थासय् जिं यहूदा व यरूशलेमया योजनात स्‍यंकाबी। इमित थः शत्रुतय् न्‍ह्यःने तरवारं व इमित स्‍यायेत स्‍वयाच्‍वंपिनिगु ल्‍हातं स्‍याके बी। अले इमिगु सीम्‍ह धाःसा आकाशयापिं झंगःत व पृथ्‍वीयापिं पशुतय्‌त नयेत बी।

यशैया 43:27

छिमि जातिया अबुं पापयात, अले छिमि थकालितय्‌सं जिगु विरोधय् विद्रोह यात।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

यर्मिया 48:14

“छिमिसं गय् यानाः धाये फुगु? ‘जिपिं बहादुर व बल्‍लाःपिं सिपाइँत खः धकाः।’