यर्मिया 7:22 - नेवाः बाइबल

²² छाय्‌धाःसा गुखुन्‍हु जिं छिमि पुर्खातय्‌त मिश्र देशं पित हया, उखुन्‍हु जिं इमित होमबलि व बलिया बारे छुं मधया, इमित आज्ञा नं मबिया।

यर्मिया 7:22 Referans Kwoze

होशे 6:6

छाय्‌धाःसा जितः बलि मखु, दयामाया यः, अले होमबलि स्‍वयाः छिमिसं परमेश्‍वरयात मानय् याःगु अज्‍ज अप्‍वः यः।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।

मत्ती 9:13

थ्‍व छु धाःगु खः वनाः बांलाक सीकि – ‘जितः बलि बी हःगु मयः, बरु जितः माःगु ला दया माया खः’ छाय्‌धाःसा ‘जि धर्मी’ धकाः धया जुइपिन्‍त मखु, बरु पापीतय्‌त सःतः वयागु खः।”

भजनसंग्रहया सफू 40:6

छिं जितः थ्‍व खँ थुइके बियादिल, जिगु न्‍हाय्‌पं चाय्‌कादिल, बलि बीगु व छाय्‌छी यायेगु ज्‍यां छि लय्‌मताः, छिं होमबलि व पापबलि नं यय्‌कामदी।

मर्कूस 12:33

अथे जूगुलिं परमेश्‍वरयात दुनुगलंनिसें वाःचाय्‌काः माया यायेगु, अले बलं फतलय् माया यायेगु, अले हानं जःलाखःलायात थःत थें माया यायेगु ला बलि बीगु व होमबलि स्‍वयाः तसकं भिं।”

व्‍यवस्‍था 17:3

जिगु उजं मानय् मयासें द्यःत वा सूर्य, तिमिला वा आकाशया नगुतय्‌गु पुजा याःगु दुसा वा इमित भागि याःगु दुसा,

यर्मिया 32:30

“इस्राएल व यहूदायापिं मनूतय्‌सं थः ल्‍याय्‌म्‍ह जूबलय् निसें हे जिगु मिखाय् मभिंगु ज्‍या जक यानावयाच्‍वंगु दु। धात्‍थें हे इस्राएलीतय्‌सं थःगु ल्‍हातं दय्‌कूगु मूर्तिं जितः तंचाय्‌केगु बाहेक मेगु छुं याःगु मदु, परमप्रभुं धयादी।