यर्मिया 7:17 - नेवाः बाइबल

¹⁷ यहूदाया शहर शहरय् व यरूशलेमया गल्‍लि गल्‍लिइ इमिसं छु यानाच्‍वंगु दु, छु छं मखं ला?

यर्मिया 7:17 Referans Kwoze

इजकिएल 14:23

इमिगु पहः व ज्‍या खनाः छिमित सान्‍त्‍वना दइ, छाय्‌धाःसा जिं अन छु छु याना, जिं अथें याःगु मखु धकाः छिमिसं सी, परमप्रभु परमेश्‍वरं धयादी।”

यर्मिया 6:27

“हे यर्मिया, इमिगु चाला जाँचय् यायेत व इपिं गथे च्‍वं स्‍वयेत जिं छन्‍त धातुयात जाँचय् याइम्‍ह व इमित नाय्‌के मानिगु कचिगु धातु थें दय्‌का।

यर्मिया 7:16

“उकिं, यर्मिया, छं थ्‍व प्रजाया निंतिं प्रार्थना याये मते। थुमिगु निंतिं इनाप नं याये मते। छाय्‌धाःसा जिं छंगु प्रार्थना न्‍यने मखु।

यर्मिया 7:18

काय् म्‍ह्याय्‌पिन्‍सं सिँ मुनीगु, बौपिन्‍सं मि च्‍याकीगु अले स्‍वर्गयाम्‍ह रानी धाइम्‍ह द्यःमय्‌जुया निंतिं मरि छुइत मिस्‍तय्‌सं छुचुं न्‍हाइगु। मेपिं द्यःतय्‌त त्‍वँसाबलि छानाः जितः तंचाय्‌कीगु।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।

यर्मिया 32:32

इस्राएल व यहूदायापिं मनूत, इमि जुजुपिं व हाकिमत, इमि पुजाहारीत व अगमवक्तात, यहूदायापिं मनूत व यरूशलेमयापिं मनूतय्‌सं फुक्‍क मभिंगु ज्‍या यानाः जितः तंचाय्‌कूगु दु।

यर्मिया 44:4

अय्‌नं जिं जिम्‍ह दास अगमवक्तातय्‌त बारम्‍बार इमिथाय् थथे धाय्‌के छ्वया, ‘जितः तसकं मयःगु थज्‍याःगु घच्‍चाइपुगु ज्‍या याये मते।’

यर्मिया 44:17

जिमिसं याये धकाः धयागु फुक्‍क ज्‍या या हे याये। स्‍वर्गयाम्‍ह रानी जिमि द्यःमय्‌जुया निंतिं जिमिसं अथे हे धुपाँय् च्‍याके अले त्‍वँसाबलि नं वयात छाये गथे जिमि पुर्खा, जुजुपिं व नायःतय्‌सं यहूदाया शहर शहरय्‌ व यरूशलेमया गल्‍लि गल्‍लिइ छाःगु खः। उबलय् जिमिके नयेगु नसा गाक्‍क दुगु खः, जिमित बांलानाच्‍वंगु खः, जिमिके विपत्ति नं वःगु मदु।