यर्मिया 6:6 - नेवाः बाइबल

⁶ दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

यर्मिया 6:6 Referans Kwoze

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

लूका 19:43

थज्‍याःगु ई वइतिनि गुबलय् छिमि शत्रुतय्‌सं छिमिगु शहरयात प्‍यखेरं घेरय् यानाः गनं वने मजीक कुना तइ।

यशैया 37:33

“उकिं अश्‍शूरया जुजुया बारे परमप्रभुं थथे धयादी, “व थ्‍व शहरय् वइ मखु, न थन छपु नं वाण कय्‌की, न ढाल ज्‍वनाः न्‍ह्यःने वये फइ, न थुकिया विरोधय् घेरय् यायेगु चा व ल्‍वहंया द्वम्‍बःचा दय्‌के फइ।

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

यर्मिया 32:31

थ्‍व शहर दय्‌कूगु दिनंनिसें थौं तक थ्‍व शहरं जितः तसकं तंचाय्‌कूगु दु। उकिं थ्‍वयात जिगु न्‍ह्यःनं चीकाछ्वइगु जुइ।

यर्मिया 33:4

छाय्‌धाःसा छिमिसं द्वम्‍बःचात व तरवारया विरोधय् पःखाःयात बल्‍लाकेगु लागिं धलिं व ल्‍वहं कायेत थुंगु थ्‍व शहरया छेँत व यहूदाया जुजुपिनिगु दरबारयागु बारे परमप्रभु इस्राएलया परमेश्‍वरं धयादी,

इजकिएल 4:2

अनंलि उकियात घेरय् या! उकिया प्‍यखेरं चा व ल्‍वहं द्वँचिंकाः द्वम्‍बःचा दय्‌कि! उकियागु न्‍ह्यःने छाउनी दय्‌कि! पःखाः तछ्याइगु ततग्‍वःगु धलिंत ति!

इजकिएल 5:5

“जि, परमप्रभु परमेश्‍वरं थथे धाये – यरूशलेम थ्‍व हे खः, थुकियात जिं जातितय्‌गु दथुइ तयागु दु, थुकियागु छचाःखेरं देशत दु।

दानिएल 11:15

अले उत्तरयाम्‍ह जुजु वयाः पःखाः दुगु शहरयात घेरय् यानाः उकियात त्‍याकाकाइ। दच्‍छिनयापिं सिपाइँत वयागु न्‍ह्यःने दनाच्‍वने फइ मखु। इमि सेनायापिं बबल्‍लाःपिं मनूत नं वयागु न्‍ह्यःने दनाच्‍वने फइ मखु।

सपन्‍याह 3:1

धिक्‍कार विद्रोही व अशुद्ध शहरयात! धिक्‍कार अत्‍याचारीत जाःगु शहरयात!

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 20:8

जिं नवाये पतिकं तःसलं हालाः “स्‍यायेसीगु व तहसनहस जुल” धकाः धायेगु। उकिं परमप्रभुया वचन न्‍हिच्‍छि हे जितः ब्‍वःबीगु व हेस्‍याइगु कारण जूगु दु।

यर्मिया 39:1

यरूशलेमयात थुकथं काल- सिदकियाह यहूदायाम्‍ह जुजु जूगु गुंगूगु दँया झिगूगु लाय् बेबिलोनयाम्‍ह जुजु थः फुक्‍क सेना ज्‍वनाः यरूशलेमय् हमला याः वल, अले उकियात कब्‍जा यायेत घेरय् यात।