यर्मिया 6:13 - नेवाः बाइबल

¹³ “दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 6:13 Referans Kwoze

यर्मिया 23:11

“अगमवक्तात व पुजाहारीत तक नं परमेश्‍वरयात मानय् मयाइपिं जूगु दु। जिगु थःगु हे देगलय् नं इमिसं मभिंगु ज्‍या याःगु जिं लुइकागु दु,” परमप्रभुं धयादी।

यर्मिया 8:10

छाय्‌धाःसा जिं इमि कलाःपिं मेपिं मनूतय्‌त व इमिगु बुँ न्‍हूपिं मालिकतय्‌त बी। दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

यर्मिया 22:17

“तर छंगु मिखा व नुगः ला बेइमान यानाः कमय् यायेगुपाखे, व दोष मदुपिनिगु हिबाः वय्‌केगु, अत्‍याचारया ज्‍या यायेगु व लुतय् यायेगुपाखे हे वनाच्‍वंगु दु।”

मीका 3:5

परमप्रभुं थथे धयादी, “जिमि प्रजायात मभिंगु लँपुइ यंकीपिं अगमवक्तातय्‌त सुनानं नयेत ब्‍यूसा इमिसं ‘शान्‍ति शान्‍ति’ धकाः हाला हइ। वं नयेत मबिल धाःसा वयागु विरोधय् ल्‍वाःवनेत इपिं तयार जुइ।

यर्मिया 14:18

ख्‍यलय् वनेबलय् जिं लडाइँलय् सीपिं मनूतय्‌गु सीम्‍ह खनीगु। शहरय् वनेबलय् जिं अनिकाल जुयाः नये मखनाच्‍वंपिं खनीगु। अगमवक्तात व पुजाहारीत निखलः हे थःम्‍हं म्‍हमस्‍यूगु देशय् वंगु दु।’”

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यशैया 57:17

जि इमिसं याःगु पाप व लोभया कारणं तंम्‍वयागु खः। जिं इमित सजाँय बिया, अले जिगु ख्‍वाः इपिंपाखें सुचुका। अय्‌नं इमिसं थःगु हे पहःचहलय् जिराहा जुयाच्‍वन।

२ पत्रुस 2:3

अज्‍याःपिं मनूतय्‌सं लोभलालचय् लानाः छिमिके हेय्‌का कायेत मखुगु खँ दय्‌काः स्‍यनी। न्‍हापांनिसें हे अज्‍याःपिं मनूत दोषी खः धकाः परमेश्‍वरं धयादीगु दु। अय्‌जूगुलिं अज्‍याःपिं मनूत याकनं हे हासनास जुयावनी।

१ तिमोथी 3:3

अय्‌लाखं काय्‌का मजुइम्‍ह, ल्‍वाना मजुइम्‍ह, भिंम्‍ह, हाला जुइ मखुम्‍ह, धिबायागु लोभ मदुम्‍ह,

लूका 16:14

धिबा जक दुसा गाःपिं फरिसीतय्‌सं वय्‌कलं धयादीगु खँ न्‍यनाः वय्‌कःयात गिजय् यात।

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

इजकिएल 22:12

छंके हे मनूतय्‌सं मनू स्‍यायेत ध्‍यबा काइगु, गुलिं मनूतय्‌सं ब्‍याजय् नं यक्‍व ब्‍याज काइगु, थः जःलाखःलायात अन्‍याय यानाः जबरजस्‍तिं लबः काइगु। छं जितः ल्‍वःमंकूगु दु, परमप्रभु परमेश्‍वरं धयादी।

विलाप 4:13

अय्‌सां थ्‍व धाःसा वया अगमवक्तातय्‌गु पाप व वया पुजाहारीतय्‌गु अधर्मया कारणं जूगु खः। इमिसं शहर दुने धर्मी मनूतय्‌गु हि बाः वय्‌कल।

यर्मिया 32:32

इस्राएल व यहूदायापिं मनूत, इमि जुजुपिं व हाकिमत, इमि पुजाहारीत व अगमवक्तात, यहूदायापिं मनूत व यरूशलेमयापिं मनूतय्‌सं फुक्‍क मभिंगु ज्‍या यानाः जितः तंचाय्‌कूगु दु।

यर्मिया 2:26

“गथे छम्‍ह खुँ ज्‍वनीबलय् लज्‍या चाइ, अथे हे इस्राएलया घराना, इमि जुजुपिं, हाकिमत, पुजाहारीत व अगमवक्तात लज्‍या चाइ।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

यशैया 28:7

पुजाहारीतय्‌सं व अगमवक्तात नं यक्‍व दाखमद्य त्‍वनी कि इमिगु तुति थातय् लाइ मखु। इमिसं थुलि यक्‍व अय्‌ला त्‍वने धुंकूगु दु कि इपिं अलमल जुयाः तुति तक्‍यंकाः न्‍यासिवनि। अगमवक्तातय्‌सं अय्‌ला त्‍वनाः काय्‌काजुल धाःसा परमेश्‍वरं बियादीगु दर्शनयात थुइके फइ मखु अले पुजाहारीत नं अथे हे काय्‌काः थःथाय् हःगु खँया बारे बांलाक बिचाः याये फइ मखु।

२ पत्रुस 2:1

न्‍हापा न्‍हापा नं मखुगु खँ स्‍यना जुइपिं अगमवक्तात दयावःगु खः। अथे हे छिमिगु पुचलय् नं मखुगु खँ स्‍यना जुइपिं मनूत दयावइतिनि। अज्‍याःपिं मनूतय्‌सं छिमित मखुगु खँ जक स्‍यनाबीगु कुतः याइ। इमित मुक्ति बियादीम्‍ह येशू ख्रीष्‍टयात हे इमिसं त्‍वःतावनी, अले याकनं हे स्‍यनावनी।

यर्मिया 2:29

“छिमिसं जितः छाय् पाः यानागु? छिपिं सकसिनं जिगु विरोधय् अपराध याःगु दु,” परमप्रभुं धयादी।

यर्मिया 17:11

मखुकथं धन कमय् याःम्‍ह मनू, मेपिनिगु खेँचं मचा थ्‍वय्‌कीम्‍ह झंगः थें खः। बच्‍छि आयु वनीबलय् हे उगु धनं वयात त्‍वःताः वनी। लिपतय् व मूर्ख ठहरय् जुइ।

यर्मिया 27:15

परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

यर्मिया 42:1

सेनाया सकलें कप्‍तानत, कारेहया काय् योहानान व होशयाहया काय् येजन्‍याह, चिधंपिंनिसें ततःधंपिं सकलें मनूत यर्मिया अगमवक्तायात नापलाः वल।

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।