यर्मिया 6:10 - नेवाः बाइबल

¹⁰ जिं सुयात धायेगु व सुयात ख्‍याच्‍वः बियेगु? जिगु खँ सुनां न्‍यनी? इमिगु न्‍हाय्‌पं बन्‍द जूगु दु। इमिसं न्‍यने मफु। परमप्रभुया वचनयात इमिसं कुंखिनीगु, इमि व न्‍यने हे मयः।

यर्मिया 6:10 Referans Kwoze

प्रेरित 7:51

“छिकपिं तसकं हे अतेरि, अले छिकपिनिगु नुगः तसकं छाः। छिकपिन्‍सं न्‍ह्याबलें पवित्र आत्‍मायागु खँ मन्‍यंसे थः तापाःबाज्‍यापिन्‍सं याःथें जक यानाच्‍वंगु दु।

यूहन्‍ना 7:7

संसारय् च्‍वंपिन्‍सं छिमित हेला याये फइ मखु। जिं संसारय् च्‍वंपिन्‍सं याना जूगु ज्‍याखँ मभिं धकाः धयागुलिं इमिसं जितः हेला याइ।

यर्मिया 7:26

अय्‌नं इमिसं जिगु खँ मन्‍यं, ध्‍यान मब्‍यू। इपिं जिराहा जुल। इमिसं थः पुर्खातय्‌सं स्‍वयाः अप्‍वः मभिंगु ज्‍या यात।

हिब्रू 11:7

विश्‍वासं हे नोआं परमेश्‍वरयागु खँ न्‍यन। परमेश्‍वरं वयात गुब्‍सं मखंनिगु, लिपा जुइतिनिगु खँ धयादीगु खः। परमेश्‍वरं धयादी थें वं सिँयागु तःग्‍वःगु जहाज दय्‌कल। अले उकी हे च्‍वनाः वं थः जहानपिन्‍त बचय् यात। थुकथं विश्‍वास यानाः वं संसारं द्वंकूगु खँ क्‍यनाबिल, अले व थः परमेश्‍वरया न्‍ह्यःने ठीक ठहरय् जुल।

यशैया 53:1

झीगु बुखँय् सुनां विश्‍वास याःगु दु? परमप्रभुया बल्‍लाःगु ल्‍हाःया शक्ति सुयात क्‍यन?

प्रस्‍थान 6:12

अय्‌नं मोशां परमप्रभुयात धाल, “इस्राएलीतय्‌सं हे जिगु खँ मन्‍यन धाःसा, जि खँ ल्‍हाये मसःम्‍हय्‌सिगु खँ फारोनं गथे यानाः न्‍यनी?”

२ तिमोथी 4:3

भिंगु खँ धाल धाःसा सह हे मयाइगु ई नं वइतिनि। इमिसं थःम्‍हं मनं तुं थें ज्‍याःगु खँ स्‍यनेकने याइपिं गुरु तइ, अले थःत यःयःगु जक खँ न्‍यना च्‍वनी।

कलस्‍सी 1:28

उकिं जिमिसं फुक्‍कसितं ख्रीष्‍टयागु खँ न्‍यंका जुयागु खः। फुक्‍कसितं ख्रीष्‍टयात क्‍वात्तुक विश्‍वास याकाः परमेश्‍वरया न्‍ह्यःने यंकेत जिमिसं ख्‍याच्‍वः बिया अले स्‍यनेकने यानाः वयाच्‍वनागु दु।

रोमी 7:22

परमेश्‍वरयागु व्‍यवस्‍था दुनुगलंनिसें मानय् यानाच्‍वने दुसा जि लय्‌ताया।

प्रेरित 7:60

अले पुलिं चुयाः तःसलं हालाः धाल – “प्रभु, इमिसं यानाच्‍वंगु पाप क्षमा यानादिसँ।” थुलि धयाः व सित।

यूहन्‍ना 9:40

थ्‍व न्‍यनाः अन दुपिं गुम्‍हं गुम्‍हं फरिसीतय्‌सं वय्‌कःयात थथे धाल – “अय्‌सा जिपिं नं कांपिं ला?”

लूका 20:19

वय्‌कलं अथे धयादीगुलिं शास्‍त्रीत व तःधंपिं पुजाहारीतय्‌सं वय्‌कःयात अन हे ज्‍वनेत स्‍वल, छाय्‌धाःसा व उखान इमित हे किकाः न्‍यंकादीगु खः धकाः इमिसं सीकल। अय्‌नं मनूत खनाः ग्‍यानाः इमिसं वय्‌कःयात ज्‍वने मफुत।

लूका 11:45

छम्‍ह शास्‍त्रीं वय्‌कःयात धाल – “गुरुजु छिं धयादीगु ला जिमित नं लात नि।”

मत्ती 3:7

यक्‍व हे फरिसीत व सदुकीत नं बप्‍तिस्‍मा कायेत वयाच्‍वंगुलिं वं इमित थथे धाल – “हे सर्पया सन्‍तान, परमेश्‍वरयागु तंपाखें बिस्‍युं वनेत छिमित सुनां ख्‍याच्‍वः बिल?

आमोस 7:10

अले बेथेलया पुजाहारी अमस्‍याहं इस्राएलया जुजु यारोबामयाथाय् थथे धाय्‌के छ्वल, “इस्राएलया मनूतय्‌गु दथुइ आमोसं छिगु विरोधय् जाः ग्‍वयाच्‍वंगु दु। थ्‍व देशं वयागु दक्‍व खँ सह याये फइ मखु,

इजकिएल 33:9

तर छं व मभिंम्‍ह मनूयात ख्‍याच्‍वः बिल अले व थःगु मभिंगु ज्‍यापाखें वा थःगु मभिंगु पहःपाखें लिहां मवल धाःसा व थःगु अधर्मय् हे सी, तर छं धाःसा थःम्‍हं थःत बचय् याइ।”

इजकिएल 33:3

पिवाः च्‍वंम्‍ह मनुखं शत्रुत वयाच्‍वंगु खनाः मनूतय्‌त सुचं बीत तुरही पुल धाःसा

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

भजनसंग्रहया सफू 119:174

हे परमप्रभु! छिगु उद्धारया लागि जि प्‍याःचाः, अले छिं स्‍यनातःगु खँ जिगु लसता खः।

भजनसंग्रहया सफू 119:77

जि म्‍वानाच्‍वनेत जितः दया यानादिसँ, छाय्‌धाःसा छिं स्‍यनातःगु खँ जिगु लसता खः।

भजनसंग्रहया सफू 119:70

इमिगु नुगः छाःगु दु, अय्‌नं जि ला छिं स्‍यनातःगु खँया कारणं लय्‌ताः।

भजनसंग्रहया सफू 119:35

जितः थःगु आज्ञाया लँपुइ यंकादिसँ, छाय्‌धाःसा जि उकी हे लय्‌ताये।

भजनसंग्रहया सफू 119:24

छिगु नियम जिगु लसता खः, उपिं जितः सल्‍लाहबीपिं खः।

भजनसंग्रहया सफू 119:16

छिगु व्‍यवस्‍था जि लय्‌ताये, छिगु वचनयात जिं ल्‍वःमंके मखु।

भजनसंग्रहया सफू 40:8

जि परमेश्‍वर! छितः यःकथं ज्‍या यायेगुलिइ हे जि लय्‌ताः। छिं स्‍यनादीगु खँ जिं थःगु नुगलय् तयागु दु।”

भजनसंग्रहया सफू 1:2

बरु व परमप्रभुया व्‍यवस्‍थाय् हे लय्‌तायाच्‍वनी। चान्‍हि वय्‌कःयागु हे व्‍यवस्‍थाय् ध्‍यान यानाच्‍वनी।

व्‍यवस्‍था 29:4

अय्‌नं थौं तक परमप्रभुं छिमित थुइके फइगु नुगः, स्‍वये फइगु मिखा व न्‍यने फइगु न्‍हाय्‌पं बियादीगु मदु।

यर्मिया 5:21

हे मूर्ख व बुद्धि मदुपिं मनूत, छिपिं मिखा दयाः नं मखंपिं, न्‍हाय्‌पं दयाः नं मताःपिं, थ्‍व खँ न्‍यँ!

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

यशैया 42:20

छं यक्‍व खँ खंगु दु, तर ध्‍यान ब्‍यूगु मदु। छंगु न्‍हाय्‌पं ला चाःगु हे दु, अय्‌नं छं छुं नं ताःगु मदु।”

यर्मिया 7:13

परमप्रभुं धयादी, ‘छिमिसं थ्‍व फुक्‍क ज्‍या यानाच्‍वंबलय् जिं छिपिंलिसें तःक्‍वः हे न्‍ववाना, अय्‌नं छिमिसं वास्‍ता मया। जिं छिमित सःता, अय्‌नं छिमिसं लिसः हे मब्‍यू।

यर्मिया 35:13

“दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, ‘वनाः यहूदायापिं मनूत व यरूशलेमयापिं मनूतय्‌त थथे धा, “छिमिसं छगू पाठ सय्‌काः जिगु खँ मन्‍यनेगु ला?” परमप्रभुं धयादी।

इजकिएल 3:7

तर इस्राएलया घरानायात छंगु खँ न्‍यने मास्‍ति मवः, इमित जिगु खँ न्‍यने मंमदु। छाय्‌धाःसा इस्राएलया फुक्‍क घराना हे जिद्दी व नुगः छाःपिं खः।