यर्मिया 52:8 - नेवाः बाइबल

⁸ तर बेबिलोनी सिपाइँतय्‌सं सिदकियाहयात लित अले वयात यरीहोया ख्‍यलय् नापलाकल। वया फुक्‍क सिपाइँत वयात त्‍वःताः बिस्‍युं वन।

यर्मिया 52:8 Referans Kwoze

यर्मिया 38:23

“छिकपिनि सकलें कलाःपिं व काय् म्‍ह्याय्‌पिन्‍त बेबिलोनीतय्‌थाय् यंकी। छि थः नं इमिगु ल्‍हातं बचय् जुइ मखु। छितः बेबिलोनयाम्‍ह जुजुं ज्‍वना यंकी। अले थ्‍व शहरयात मि तयाः छ्वय्‌काबी।”

यर्मिया 34:21

“यहूदायाम्‍ह जुजु सिदकियाह व वया हाकिमतय्‌त इमित स्‍यायेत स्‍वःपिं शत्रुतय्‌गु ल्‍हातय् व छिमिगु न्‍ह्यःनं लिचिलावंपिं बेबिलोनयाम्‍ह जुजुया सेनाया ल्‍हातय् बी।

यर्मिया 32:4

यहूदाया जुजु सिदकियाह बेबिलोनीतय्‌गु ल्‍हातं बचय् जुइ मखु, धात्‍थें वयात बेबिलोनयाम्‍ह जुजुया ल्‍हातय् बिइगु जुइ। वं वलिसें चुलिंचू च्‍वनाः खँ ल्‍हाइ। इपिं छम्‍हय्‌सिनं मेम्‍हय्‌सित थथःगु मिखां स्‍वइ।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 39:5

तर बेबिलोनी सेनां इमित लित, अले सिदकियाहयात यरीहोया ख्‍यलय् लुइकल। इमिसं वयात ज्‍वनाः हमात देशया रिब्‍ला धाःगु थासय् बेबिलोनयाम्‍ह जुजु नबूकदनेसरयाथाय् हल। वं सिदकियाहयात सजाँय बीगु आज्ञा बिल।

यर्मिया 37:18

हाकनं यर्मियां सिदकियाह जुजुयात धाल, “जिं छितः वा छिकपिनि भारदारतय्‌त वा छिकपिनि प्रजायात छु यानागु दु धकाः छिं जितः कालकोठरीइ कुनादियागु?

यर्मिया 37:17

तःन्‍हु लिपा सिदकियाह जुजुं वयात सःतके छ्वत, अले थःगु दरबारय् यंकाः जुजुं सुं मदुगु थासय् वयात न्‍यन, “परमप्रभुपाखें छुं खँ दु ला?” यर्मियां धाल, “दु, छितः बेबिलोनयाम्‍ह जुजुया ल्‍हातय् लःल्‍हाइगु जुइ।”