यर्मिया 52:4 - नेवाः बाइबल

⁴ उकिं सिदकियाहं राज्‍य यानाच्‍वंगु गुंगूगु दँया झिगूगु लाया झिन्‍हु दुखुन्‍हु बेबिलोनयाम्‍ह जुजु नबूकदनेसर यरूशलेमय् हमला यायेत थः फुक्‍क सेना ज्‍वनावल। इमिसं शहरया पिने छाउनी तल अले शहरयात घेरय् यात।

यर्मिया 52:4 Referans Kwoze

यर्मिया 39:1

यरूशलेमयात थुकथं काल- सिदकियाह यहूदायाम्‍ह जुजु जूगु गुंगूगु दँया झिगूगु लाय् बेबिलोनयाम्‍ह जुजु थः फुक्‍क सेना ज्‍वनाः यरूशलेमय् हमला याः वल, अले उकियात कब्‍जा यायेत घेरय् यात।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”

यर्मिया 52:7

बेबिलोनीतय्‌सं शहरया पःखाः तछ्यानाबिल। इमिसं शहर घेरय् यानातःगु जूसां चान्‍हय् सिदकियाह जुजु व सकलें सिपाइँत जुजुया क्‍यब लिक्‍कयागु निगू पःखाःया दथुइ दुगु लुखा जुयाः बिस्‍युं वन। इपिं अराबापाखे बिस्‍युं वन।

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

लूका 21:20

“गुबलय् छिमिसं यरूशलेमयात सिपाइँतय्‌सं घेरय् याःगु खनी, उबलय् आः याकनं हे यरूशलेमयागु नाश जुइ धकाः छिमिसं सीकि।

लूका 19:43

थज्‍याःगु ई वइतिनि गुबलय् छिमि शत्रुतय्‌सं छिमिगु शहरयात प्‍यखेरं घेरय् यानाः गनं वने मजीक कुना तइ।

इजकिएल 21:22

पःखाः तछ्याइगु ततग्‍वःगु धलिंत तयेत, तसलं स्‍याये पालेत आज्ञा बीत, लडाइँया सः न्‍यंकेत, ध्‍वाखा तछ्यायेत तग्‍वःगु धलिं तयेत, द्वम्‍बःचा थकायेत व घेरय् याइगु चाया पःखाः दय्‌केत वयागु जव ल्‍हातय् यरूशलेमया चिट्ठा लाइ।

यशैया 29:3

जिं छंगु निंतिं चाकःछिं छाउनी दय्‌काबी अले जिं छन्‍त घेरय् याये अले जिं छंगु विरोधय् घेरय् यायेत धरहरा दय्‌के।

लेवी 26:25

छिमिसं जिगु बाचा त्‍वथूगुलीं जिं धात्‍थें हे छिमित सजाँय बी, अले गुबलय् छिपिं थथःगु शहरय् मुनाच्‍वनी, जिं छिमिगु दथुइ ल्‍वय् छ्वया हये। छिमित शत्रुतय्‌गु ल्‍हातय् बी।

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

इजकिएल 26:8

वं देशया मू भागया बस्‍ती बस्‍तीइ च्‍वंपिं मनूतय्‌त तरवारं स्‍याइ। वं छंगु विरोधय् चा व ल्‍वहं द्वंचिकाः द्वम्‍बःचा दय्‌काः छन्‍त हमला याइ अले ढालत ल्‍ह्वनी।

इजकिएल 33:21

जिमित ज्‍वनाहःगु झिंनिगूगु दँया झिगूगु लाया न्‍यान्‍हु दुखुन्‍हु यरूशलेमं बिस्‍युं वःम्‍ह छम्‍ह मनुखं जिथाय् वयाः धाल, “शहर नाश जुल।”

इजकिएल 40:1

जिमित ज्‍वनाः बेबिलोनय् यंकूगु निइन्‍यागूगु दँया न्‍हापांगु लाया झिन्‍हु दुखुन्‍हु अर्थात बेबिलोनयापिन्‍सं यरूशलेम त्‍याकाकाःगु झिंप्‍यगूगु दँ लिपा परमप्रभुया शक्ति जिके वल, अले वय्‌कलं जितः अन यंकादिल।

यर्मिया 4:17

मनूतय्‌सं क्‍यब पियाच्‍वंगु थें थुपिं शत्रुतय्‌सं यरूशलेमयात घेरय् याइ छाय्‌धाःसा अनयापिं मनूतय्‌सं परमप्रभुयागु विरोधय् विद्रोह याःगु दु,’” परमप्रभुं धयादी।

यर्मिया 21:2

“जिमिगु निंतिं आः परमप्रभुयाके न्‍यनादिसँ, छाय्‌धाःसा बेबिलोनया जुजु नबूकदनेसरं जिमित हमला यानाच्‍वंगु दु। न्‍हापा न्‍हापा परमप्रभुं झीगु निंतिं अजू चायापुगु ज्‍या यानादीगु थें आः नं यानादी ला? गुकिं यानाः व झीथासं लिहांवनी ला।”

इजकिएल 21:27

नाश! नाश! जिं थ्‍व शहरयात सत्‍यानाश यानाबी। थ्‍व शहरयात न्‍याय यायेगु अधिकार दुम्‍ह मवतले हाकनं थ्‍व शहरयात दय्‌की मखु। व वये धुंकाः जिं वयात थ्‍व लःल्‍हानाबी।’”